Pienaar o ṋea muhumbulo wawe nga ha Mofokeng  

Mudivhalea wa Bafana Bafana Steven Pienaar u tenda uri ṋaledzi ya Orlando Pirates Relebohile Mofokeng a nga swika kha vhuimo ha nṱha.

U amba uri mutambi uyu u na zwine a ṱoḓea u itela u vha muṅwe wa vhatambi vha khwinesa vhe Afrika Tshipembe ḽa vhuya ḽa vha bveledza.

Pienaar u Mexico sa tshipiḓa tsha tshigwada tsha Bafana Bafana tsha Tshiphuga tsha Ḽifhasi tsha 2010.

Vhari shango li tea u londa uri li fara hani mutambi wa minwaha ya 21 uri li sa mu vhee fhasi ha mutsiko u sa ṱoḓei.

Relebohile Mofokeng u do vha munwe wa vhatambi vhane Afrika Tshipembe la do vha li tshi khou fulufhela khavho kha khaphu ya lifhasi.

Hezwi zwi tevhela khalanwaha i swayeaho na Pirates, he a thusa thimu u wina Betway Premiership lwa u tou thoma nga murahu ha minwaha ya 14.

Mudzulapo wa Sharpeville o no vha mufunwa wa vhatikedzi nga miṅwaha i si gathi fhedzi u bva tshe a dzhena kha tshigwada tsha nṱha.

Fhedzi Steven Pienaar, we a tamba kha kilabu khulwane dza Yuropa dzi ngaho Ajax Amsterdam, Everton, Borussia Dortmund na Tottenham Hotspur, u na ngeletshedzo.

“Rele u na zwothe  zwa u vha muṅwe wa vhatambi vha khwinesa vha Afrika Tshipembe.

“Ndi mutambi o khetheaho nahone ri fanela u mu tsireledza,” ho amba Pienaar.

“A ro ngo fanela u mu vhea fhasi ha mutsiko nga u mu vhea khare hu sa athu swika tshifhinga.

“Ri tea u mufha tshikhala tsha u tamba bola yawe.U na vhukoni, ha ofhi nahone hetshi ndi tshifhinga tshawe tsha u sumbedza shango zwine a vha na vhukoni khazwo.”

• VHALANI HAFHU: Pirates yo ṱanganedza vhatambi vhaswa, ya bvisa vhaṱanu

Vho-Steven Pienaar vhari Tshiphuga tsha Ḽifhasi tshi ḓo ṋea Relebohile Mofokeng tshikhala tshihulwane tsha u ḓisumbedzisa.