goloi

Chery yo khwaṱhisedza u bveledziwa ha Grootman ngei Rosslyn u bva 2027

Chery Grootman yo fhaṱiwa Rosslyn: bakkie ntswa yo bebwaho Afrika Tshipembe

Khamphani ya Chery Afrika Tshipembe yo ḓivhadza lwa tshiofisi uri bakkie yayo ya u thoma ine ya pfi Grootman, i ḓo bveledzwa Afrika Tshipembe.

Modeḽe u khou lavhelelwa u swika nga kotara ya u thoma ya 2027 sa double cab fhedzi, nahone nga murahu wa thoma wa ḓiswa u bva China.

Nga murahu ha zwenezwo, u kuvhanganya zwi ḓo pfulutshela kha ḽimagani ḽa Rosslyn nnḓa ha Pretoria, ḽe ḽa vha ḽi tshi shumiswa nga Nissan tshifhingani tsho fhiraho.

Grootman i ḓo vha iṅwe ya modele ṱhanu dzo pulaniwaho dza khamphani yeneyo. 

Kha mushumo wa u renga feme ya Rosslyn, Mufarisa Muphuresidennde wa Chery Vho Zhang Guibing vho amba uri u thomiwa ha u bveledza Afrika Tshipembe zwi ḓo itwa nga nḓila ine ya ḓo khetha modele dzine dza rengiswa vhukuma.

Vho ṱalutshedza uri vha ḓo ḓisa dzi pick-up dzo fhambanaho, fhedzi modele une wa ḓo ṱhogomela mutengo ndi une wa ḓo bvrledzwa fhano.

Vho engedza nga uri vha nga si kone u bveledza zwoṱhe fhethu huthihi nga tshifhinga tshithihi, ngauri volumu i tea u vha nnṱha uri mveledziso ya hayani i kone u vhulunga.

Vho Peter Matkin, Mulanguli Muhulwane wa Ndangulo ya Mbekanyamushumo na Mihumbulo ya Zwiendedzi kha Chery, na vhone vho ombedzela u tendelana ha mutevhe wa u kuvhanganya.

Nga maipfi awe, “u swikelela volumu yo teaho nga modele muthihi a zwo ngo leluwa; naho volumu dzi tshi khou aluwa, u nga ṱanganya modele u ya nga zwine vharengi vha zwi ṱoḓa.”

Hezwi zwi amba uri Grootman inga hula ya vha modele wa ndeme wa brand ya Chery kha ḽa Afrika Tshipembe.

Musi hu tshi vhambedzwa na Jetour F700 ine ya ḓo swika nga 2027, F700 i ḓo shumisa beṱiri ya 2.0 T-GDI na 31.4kWh na dzimoṱoḽa tharu dza muḓagasi, dzine dza ḓo bveledza 665kW/1 135Nm.

Jetour vhari modele uyo u ḓo kona u bva kha 0-100km/h nga mithethe miṱanu na u tshimbila 150km nga muḓagasi fhedzi (CLTC).

Naho zwo ralo, Grootman i ḓo thoma u vhea mutengo ṅwaha u ḓaho, musi hu tshi khou lavhelelwa zwidodombedzwa zwo engedzeaho na ḓuvha ḽa u thomiwa lwa tshiofisi .