Orlando Pirates yo tenda uri wo vha mutambo u konḓaho na Bay

Mugudisi wa Orlando Pirates Vho-Abdeslam Ouaddou vho tenda uri vha Richards Bay yo vha gwela dindi ḽine ḽa nga vhulunga fulufhelo ḽavho ḽa u dzhia tshiphuga tsha Betway Premiership.

Pirates – ye ya vha i tshi khou duga phanḓa ha mutambo wa Ḽavhuṱanu – yo tamba 2-2 tshitediamu tsha Mhlathuze na Richards Bay.

Buccaneers yo wisela fhasi phoindi dza ndeme kha mbambe, nahone hezwi zwi nga vha u fhelisa hayo kha nndwa i vhavhaho ya u ṱoḓa tshiphuga tsha ligi.

Orlando Pirates zwazwino yo dzula kha vhuimo ha vhuvhili nga poindi dza 55  nga murahu ha mitambo ya 24.

Fhedzi-ha, vha murahu ha Mamelodi Sundowns nga phoindi nthihi ine ya khou ranga phanḓa kha ligi.

Ouaddou o tenda uri thimu yawe a yo ngo luvhona, zwihuluhulu nga murahu ha musi yo xelelwa nga zwikhala zwinzhi.

“Ro ḓa fhano u wana phoindi tharu, nga maanḓa musi ri kha mbambe ya u dzhia tshiphuga, fhedzi a ro ngo wana zwenezwo,” ho amba mugudisi.

“Ndi vhona unga ro sika zwikhala hu tshe na tshifhinga nahone ro vha ri tshi nga thoma u kora, fhedzi mutambo a wo ngo tshimbila nga nḓila ye ra vha ri tshi khou ṱoḓa ngayo.”

Mugudisi o dovha a sumbedza nḓila ye vha kundelwa ngayo u vala tshikhala, nga maanḓa kha zwipiḓa zwo vhewaho — zwithu zwe Orlando Pirates ya vha i khozwi konesa khalanwaha yoṱhe.

“Kanzhi ri vha iṅwe ya thimu dza khwine musi zwi tshi ḓa kha zwenezwo zwiimo.”

• VHALANI HAFHU: Moshe o ḓivhadza iṅwe gig ya u hasha kha TV

Naho ho vha na mvelelo dzi si dzavhudi, Ouaddou o khoḓa u konḓelela ha thimu yawe nga murahu ha u lwa kha mutambo u konḓaho.