Orlando Pirates yo vhuisa Mabuza kha tshigwada tshayo
Orlando pirates yo vhuisa Bheki Mabuza, we a bveledzwa nga academy yavho asathu diitela dzina kha Marumo Gallants.
Kiḽaba yo khwaṱhisedza u saina lwa tshoṱhe ha Mabuza, nahone ya dovha ya bvisela khagala uri yo ṋea Gallants vhatambi vhavhili nga khadzimiso khalanwaha yoṱhe.
Kiḽaba yo khwaṱhisedza uri ho no swikelelwa thendelano ya uri Mabuza a vhuyelele kha Pirates vha zwi vhidza ”u vhuya hayani ‘.
“U dzhia tsheo iyi ndi u vhuyelela kha vhupo ho ḓoweleaho ha Mabuza, we a vha a tshi tamba kha Blues tshifhingani tsho fhiraho,” Pirates yo ralo.
Ro engedza nga uri tshifhinga tshe a tshi fhedza a si hayani tsho khwaṱhisedza uri o no ḓilugisela vhukando vhu tevhelaho.
“Mushumo wawe kha Gallants wo khwathisedza kha kilaba uri o diimisela u vhuya na u dzhia vhukando vhu tevhelaho kha mushumo wawe.”
Pirates yo dovha ya khwathisedza uri ina vhatambi vho salaho kha Gallants uri i kone u vha nea tshikhala tsha khwine tsha u tamba tshifhinga tshothe.
Daniel Msendami, we a rengwa nga vha Gallants, na Abdoulaye Mariko vha ḓo dzhena kha tshigwada tshi re North West nga khadzimiso dza khalanwaha yoṱhe.
Vhatambi avha vha do fha Galants maanda ane vha a toda sa izwi vho tambula kha ino khalanwaha.
U sainwa ha Bheki Mabuza zwi khou da vhukati ha mavharivhari a uri thimu ya Orlando pirates i nga xelelwa nga Oswin Appollis ane a khou todiwa nga tshigwada tsha France.