Vhafuni vho takala u vhona Makhadzi o vhuya kha u imba
Makhadzi o vha na gig yawe ya u thoma ya nwaha ngei Thohoyandou Limpopo.
Vhatevheli vha khou takala zwi tshi tevhela u vhuya ha Makhadzi kha u imba.
Muimbi uyu ane a ḓivhelwa u imba nyimbo dzawe dza nṱha, o imba lwa u tou thoma nga 2026 nga tshifhinga tsha vhuṱambo ha Ḓuvha ḽa Mmbi ya Vhupileli tshitediamu ngei Thohoyandou, Limpopo.
Muimbi wa “Ghanama” o dzhena kha Instagram u kovhelana vidio a tshi khou pembelela u fhola hawe ho fhelelaho.
Kha post yawe, o sumbedza u livhuwa hawe, a ri, “Mulovha ho vha hu duvha langa la u thoma mushumoni. Ndi livhuwa zwothe kha @sa_national_defense_force kha u ṱanganya vhathu vhanga tshitediamu tshe nda vha ndi tshi khou lora u tshi ḓadza. Ndi livhuwa vhatikedzi vhanga vhoṱhe kha u ntikedza.”
Kha vidio, Makhadzi o ḓala vhutshilo, a tshi khou tshina nga mafulufulu musi gogo ḽa vhathu ḽo takalaho ḽi tshi khou mu fhululedza.
Vhafuni vhawe vho dzhena kha social media vha sumbedza dakalo lavho nga ha u vhuya hawe.
Somizi o amba uri, “U vha hone haṋu kha tshiṱeidzhi a hu vhambedzwi na tshithu.”
Muṅwe mufuni, @mahl.e2022, o amba uri, “U lindela ho vha hu tshi khou thoma u sa konḓelela. No ṱanganedzwa, khosi yashu ya mufumakadzi! 🔥🔥.”