Mofokeng u khou isa phanḓa na u tamba zwavhuḓi ngei Belgium

Relebohile Mofokeng o kora tshikoro tshawe tsha vhuvhili kha mitambo mina kha ligi ya Belgium nga Lavhuraru.

Hezwi zwo ḓa musi tshigwada tsha Union Saint-Gilloise tshi tshi kunda Sint-Truiden nga zwikoro zwiraru kha gumba.

Gundo ḽo ita uri Union i vhe kha vhuimo ha vhuvhili nga phoindi dza 10 kha mitambo miṋa.

 Louis Patris ndi ene we a vula tshikoro tsha Union nga miniti ya vhu 22.

Kevin Mac Allister o mbo ḓi kora tshikoro tsha vhuvhili nga miniti ya vhu 52.

Mofokeng o mbo ḓi dzhia tshikoro tsha u fhedzisela nga miniti ya vhu 63.

O dzhia tshikoro nga murahu ha u ṱhasela havhuḓi he ha vha hu tshi katela u ṱavhanya u fhira vhukati ha vhatambi vha Union.

Ho vha hu tshikoro tshawe tsha vhuvhili kha ligi kha khalanwaha. O dzhia tshikoro tshawe tsha u thoma musi Union i tshi kunda Westerlo nga 5-1 mathomoni a ṅwedzi wa Ṱhangule.

Kha mutambo wonoyo, Relebohile Mofokeng o bva kha bannga u itela u tamba lwa u thoma kha ligi.

U bva tshee a bva kha bannga kha miṅwe mitambo mivhili ya ligi. Vho dovha vha tamba kha Ḽigi ya Dzingweṋa na kha Tshiphuga tsha Super Cup tsha Belgium.

Kha Super Cup, o dzhia penalty ya u fhedzisela musi Union i tshi kunda nga dzi penalty.

• VHALANI HAFHU :Da Cruz o amba nga ha mutsiko wa Chiefs ya u wina zwiphuga

Mofokeng o thoma u sumbedza uri a nga vha tshipiḓa tsha ndeme tsha Union Saint-Gilloise.

U tamba hawe zwenezwino zwi fanela u mufha fulufhelo ḽihulwane sa izwi a tshi khou lwela vhuimo kha thimu.