Mathada ndi manzhi kha Sundowns musi ligi i kho swika mafheloni

Mamelodi Sundowns i do tea u fhata luvhondo lwa murahu kha mutambo wayo wa u fhedzisela wa Betway Premiership kha khalanwaha.

Izwi zwi khou itiswa ngauri Khuliso Mudau o imiswa nga murahu ha musi thimu iyi yo kunda Siwelele FC nga 7-4.

Mutambi wa murahu wa tsha u ḽa a re na tshenzhemo o dzhia khadi yawe ya vhuṋa ya ṱaḓa kha yeneyi nndwa i mangadzaho.

Hezwi zwi ita uri a si kone u tamba musi Sundowns i tshi tamba mutambo wa u fhedzisela wa ligi.

Sailor zwino u khou ṱanganela na mutambi ngae Jayden Adams kha mutevhe wa vhane vho imiswa, zwine zwa sia mugudisi Miguel Cardoso e na thaidzo khulwane dza u nanga nga tshifhinga tshivhi vhukuma.

Mamelodi Sundowns yo vula nḓila ya u ranga phanḓa nga phoindi dza rathi nga murahu ha musi yo kunda Siwelele.

Fhedzi Orlando Pirates yo ṱavhanya ya fhindula nga u kunda Magesi FC nga 3-0 u itela u fhungudza tshikhala tsha u vha na phoindi tharu musi mutambo u tshi kha ḓi vha hone.

Maṱo oṱhe zwino o sedza mutambo wa Ḽavhuvhili vhusiku na TS Galaxy stadium tsha Mbombela.

Arali Mamelodi sundowns ya kunda mutambo mutsiko udo vhuya kha Pirates.

Vha Soweto giants vha do tea u wina mitambo yavho yothe yo salaho uri vha kone u vha na tshikhala tsha u takusa tshiphuga.

• VHALANI HAFHU : Ouaddou o khoḓa Sipho Chaine we a vunda rekhodo

Musi u imiswa hu tshi khou engedzea, u huvhala na u neta zwi tshi vhonala kha vhaṅwe, mutsiko wo livhanaho na Sundowns ndi muhulwane .