Magesi yo kundwa nga thimu ya soweto nga Ḽavhuraru vhusiku

 Wandile Duba o bvisela khagala zwine Kaizer Chiefs ya nga ita u isa phanda na mutevhe wayo wa u kunda.

O  nangiwa sa mutambi wa khwinesa musi Amakhosi i tshi kunda Magesi FC nga 4-2.

Tshigwada tsha Naturena tsho isa phanḓa na fomo yavhuḓi kha mutambo wa Betway Premiership ngei tshitediamu tsha Peter Mokaba nga Ḽavhuraru vhusiku.

Vho di wana vho no vha ntha nga 3-0 zwo vha zwi khagala uri vha do isa phanda na u kora.

Flavio Silva ndi ene we a vula tshikoro, a tevhelwa nga Wandile Duba. Ho vha hu 2-0 nga tshifhinga tsha u awela.

Mduduzi Shabalala o mbo ḓi dzhia tshikoro tsha vhuraru vhukati ha tshipiḓa tsha vhuvhili. Fhedzi Mages yo mbo ḓi dzhia tshikoro nayo.

Fhedzi nga murahu Khanyisa Mayo – we a dzhena kha hafu ya vhuvhili vhudzuloni ha Silva – o kora tshikoro tsha u fhedzisela.

“Ndi vhona unga ndo tamba zwavhuḓi, fhedzi ndi kha ḓi kona u ita zwinzhi khwine u fhira hezwi,” ho amba Wandile Duba nga murahu ha mutambo.

O mbo ḓi bvukulula uri hu na thaidzo ye ya vha i tshi khou vha thivhela fhedzi vha khou thoma u i lugisa zwino naho vha tshi kha ḓi zwi vhona uri vha kha ḓi vha na mushumo munzhi une vha kha ḓi tea u u ita.

“Zwine zwa khou ri thivhela ndi uri ri thoma mutambo nga gere ya fhasi vhukuma,” ho amba Duba.

• VHALANI HAFHU: Cedric Kaze o amba nga ha vhumatshelo hawe kha Chiefs

“Arali ra thoma mutambo nga ndila ye ra fhedza ngayo nga hetshi tshifhinga, ri nga dzula ri tshi kunda nga zwikoro zwinzhi.”