Mazhamba o dzumbulula lutamo lwawe kha Kaizer Chiefs

 Mulindavhuno wa Kaizer Chiefs, Takalani Mazhamba uri zwazwino u na ndala vhukuma ya u tamba kha thimu ya vhahulwane.

Mutambi uyu wa minwaha ya 18 o tamba mutambo wawe wa u thoma musi vha tshi tamba na Chippa United nga Mugivhela.

Naho Kaizer Chiefs yo kundwa kha mutambo, Chippa yo vha kunda nga 1-0, Takalani Mazhamba o wana thendo kha u gavha hawe havhuḓi.

Nga murahu ha mutambo, o tenda uri o vha o tshuwa, fhedzi a amba uri musi a tshi vhona vhatikedzi vha tshi khou mu fhululedza, o pfa o vhofholowa.

“Ndi mutukana o bebwaho muṱani wa vhavenḓa fhedzi ndo alutshela Soweto,” ho amba Takalani Mazhamba.

“Ndo dzhena kha Kaizer Chiefs ndi na miṅwaha ya 13 nahone zwino ndo thoma u tamba kha thimu ya vhahulwane. Ndo takala, ndo takala nahone ndi a livhuwa.”

Mulindavhuno wa vhukoni o bvisela khagala uri muloro wawe zwino ndi u dzhena na u ḓitika kha thimu ya vhahulwane.

“Ndivho yanga ndi u tamba mitambo minzhi kha khalanwaha i ḓaho.Ndi ḓo isa phanḓa na u shuma nga maanḓa nga tshifhinga tsha ndugiselo dza khalanwaha ntswa.

“Ndi na fulufhelo ḽihulwane ḽa uri ndi ḓo wana zwibuli zwo engedzeaho zwa u tamba,” o bvela phanḓa.

Mzahamba uri u humbula tshifhinga tshe a tshi fhedza a tshi khou lugisela nga murahu ha musi o pfa uri u do thoma kha tshigwada tsha Chilli Boyz.

“Musi ndi tshi dzhena mudavhini, ndo vha ndi tshi pfa vhatikedzi vha tshi khou fhululedza, zwe zwa nṋea fulufhelo nga u ṱavhanya,” Mazhamba o bvela phanḓa.

• VHALANI ZWINWE: Dawn Thandeka King u tikedza mufumakadzi ane a khou lwa na vhulwadze vhu sa anzeli u wanala 

Naho vho tamba nga nḓila i ṱuṱuwedzaho, Takalani Mazhamba o tenda uri o vha o dinalea nga u ṋea tshikoro musi a tshi thoma u tamba kha tshigwada tsha nṱha.