Cyan Boujee u ḓovha a ita ṱhoho dza mafhungo
Cyan Boujee o dzhia tsheo ya u dzhia tshifhinga tsha u awela zwi tshi tevhela u bvelela ha mafhungo a si avhuḓi nga hae.
Ho bvelela mivhigo ya uri akhaunthu dzawe dza bannga dzo fhiriziwa musi thodisiso dzi tshi khou bvela phanda kha munna we a vha a tshi khou humbulelwa uri ndi blesser ḽawe ḽo mufha masheleni.
Hezwi zwothe zwo tevhela u farwa ha Kagiso Lerutla vhukavhamabufho ha dzitshaka ha OR Tambo nga Swondaha.
Uya nga ha MDNtv, Lerutla ndi ene we a fha mufumakadzi tshelede fhedzi ahuna tsho khwathisedzwaho nga ha vhushaka havho.
Cyan Boujee, dzina ḽawe ḽa vhukuma ndi Honor Zuma, zwenezwino o vha ṱhoho dza mafhungo nga murahu ha musi o renga nnḓu ya vhuimo ha nṱha kha Midstream Ridge Estate.
Hu khou pfala uri nnḓu iyi i ḓura masheleno anganyelwaho kha R10 million.
U bvisela khagala hawe kha social media uri o renga nnḓu khulwane zwo kunga mato a vhathu.
Vhaṅwe vho khoḓa zwe a zwi swikelela ngeno vhaṅwe vha tshi vhudzisa uri tshelede ya u renga zwithu zwi ḓuraho nga u rali o i wana ngafhi.
Kha vhane vha khou bvisela khagala mbilaelo hu dovha ha vha na muhashi wa Podcat a ḓivheaho MacG, we a amba uri u tea u dzumbulula hune a wana hone tshelede dzawe.
O eletshedza uri “mbalo a dzi ṱanganyi” malugana na vhuimo ha zwa masheleni ha muḓivhalea.
Musi a tshi fhindula, Cyan Boujee o ombedzela uri o vha a tshi khou wana tshelede nga nḓila i re mulayoni, a ri: “Ndi badelwa ḓuvha ḽiṅwe na ḽiṅwe.”
Fhedzi-ha, u ṱoḓa u ḓivha zwo ṋaṋa nga murahu ha u farwa ha Lerutla mafheloni a vhege.
Mivhigo zwino i sumbedza uri bannga nnzhi dza Afrika Tshipembe dzo firizisa akhaunthu dzawe.
Zwiitisi zwa u dzhia vhukando uhu a zwi athu khwaṱhisedzwa lwa tshiofisi.
U engedza kha hezwi, Cyan Boujee o vala Instagram yawe na dziṅwe pulatifomo dza zwileludzi zwa vhudavhidzani.
O ṱalusa u ngalangala hawe sa u awela ngeno a tshi khou fhelisa mavharivhari a sa fheli nga hae.