Ndlovu u pembelela u wina tshiphuga tshawe tsha u thoma
Vhaṅwe vhatambi vha lindela miṅwaha minzhi vha sa athu takula tshiphuga tsha u thoma kha vhutshilo havho.
Fhedzi Siyanda Ndlovu o tsireledza yawe kha mutambo wawe wa vhufumi fhedzi kha Mamelodi Sundowns—nahone zwo itea nga ḓuvha ḽawe ḽa mabebo.
Mutambi uyu wa minwaha ya 24 o dzhena kha Sundowns a tshi bva kha Golden Arrows kha ino khalanwaha, zwithu zwo mu tshimbilela nga u ṱavhanya.
O no ḓi kora zwikoro zwivhili na u thusa tshiṅwe. Zwino, u na tshiphuga tshihulwane kha dzina ḽawe.
Ndlovu o wana mendele wa khaphu ya FIFA nga murahu ha musi vho bva kha bannga musi Sundowns i tshi kunda Al-Ahli.
Ho vha hu tshifhiwa tsho khetheaho tsha ḓuvha ḽa mabebo.
“A thi divhi uri ndi ambe mini. Dakalo langa ndi lihulu vhukuma,” ho amba Ndlovu nga murahu ha mutambo.
“Hezwi zwo itea nga duvha langa la mabebo, ngauralo zwi amba zwinzhi kha nne. Ndo takala vhukuma.”
Fhedzi Ndlovu ha ṱoḓi dakalo ḽawe ḽi tshi vha kha tshiphuga hetshi fhedzi.
Mutambi uyu u khou lavhelela kale zwikhala zwinwe zwa u takula zwigidi zwa silivhere, sa izwi Sundowns i tshi kha di vha kha mutatisano wa FIFA.
U bva kha u vha mutambi we a vha a sa anzeli u ita mutevhe wa u thoma kha Arrows u swika kha u takusa tshiphuga tsha ḽifhasi na u vha na muloro wa u sedzana na PSG, Siyanda Ndlovu o thoma vhutshilo nga nḓila i sa tendisei kha Chloorkop.
Nahone zwi vhonala unga tshiṱori tshawe tsha Sundowns tshi kha ḓi tou bva u thoma, na u bvelela huhulwane hu kha ḓi ḓo ḓa.