Cassper Nyovest ha na vhuṱanzi kha u bvisa iṅwe albamu
Muimbi wa rap wa Afrika Tshipembe Cassper Nyovest u kovhelana muhumbulo wawe nga ha uri u bvisa albamu yo fhelelaho a zwi pfali kha tshiimo tsha muzika wa ṋamusi.
Muimbi wa rap o fhedza ḓuvha ḽawe a tshi khou amba thwii na vhafuni na vhasasaladzi kha pulatifomo, a tshi khou fhindula khuwelelo dza mushumo muswa.
Muṅwe mutikedzi o mu ṱuṱuwedza uri a vhuyelele kha muya wa albamu, a ṅwala uri, “Litshani u shavha cass bvisani albamu 🐐.”
Phindulo ya Nyovest yo vha i tshi pfala, nahone i sa thembisi tshithu.
“Vhathu a vha tsha thetshelesa dzi album. Zwi tou nga vhathu vha khou toda dzi single.
” Album? Ndo vha ndo zwitakalela fhedzi a thi na vhutanzi nga hayo.”
Zwe a amba zwo ṱavhanya u wana phindulo nnzhi dzo fhambanaho.
Naho vhaṅwe vhafuni vha tshi pfesesa mbuno yawe nga ha u fhungudzea tshifhinga tsha u strima, vhaṅwe vho pfa uri mutsila wa vhuimo hawe ha faneli u ḓifara luvhi nga u litsha thandela dzo fhelelaho.
Vhaṅwe vho dzhia nḓila yo ṱanḓavhuwaho, vha tshi amba uri mafhungo a nga kha ḓi vha e si dzi-albamu nga dzone dziṋe, fhedzi ndi vhulapfu hadzo.
“Thaidzo a si album, thaidzo i thoma musi album i na nyimbo dza 20+, vhathu a vha na tshifhinga tshilapfu tsha u thetshelesa,” muṅwe mushumisi o ṋea vhupfiwa.
Muṅwe o eletshedza uri hu vhe na u tendelana: “ U ri ṋea EP ya 4 track Cass kana zwiṅwe, ano maḓuvha zwi a konḓa u thetshelesa album u bva kha track ya u thoma u swika kha ya u fhedzisela.”
Kha Nyovest. mutsila ane a ḓivhelwa u bveledza albamu khulwane na mafulo a u ḓadza zwitediamu,
Nyambedzano i sumbedza tshanduko ine ya nga vha hone kha tshiṱirathedzhi musi a tshi khou kala zwine vhafuni vha zwi ṱoḓa zwa vhukuma nga 2026.