Sweet Guluva u ṱoḓa ndingo dza malofha kha ṅwana wa Ashley
Mutambi wa matambwa wa Afrika Tshipembe Sweet Guluva, ane dzina ḽawe ḽa vhukuma ndi Akhonamathema Zwane,
O bva mulomo nga murahu ha mavharivhari kha zwileludzi zwa vhudavhidzani a tshi khou pomoka uri ndi khotsi a siho kha ṅwana wa Ashley Ogle ane a kha ḓi tou bva u bebwa.
Kha tshitatamennde tsho bviswaho nga tshigwada tshawe tsha vhalanguli, Sweet Guluva uri o ḓilitsha nga khole u amba nga ha mafhungo aya u swika zwino.
A tshi amba nga ha tshiphiri na u ṱhonifha zwine vha zwi ṱalusa sa vhushaka ha kale vhukati hawe na Vho-Ogle.
Tshigwada tsho khwaṱhisedza uri vhudavhidzani nga tshifhinga tsha vhushaka havho ho vha vhu ha tshiphirini nahone ha tshiphiri.
Musi vha tshi khou amba nga ha mbilaelo dza vhubebi, tshitatamennde tsho dzumbulula uri ubva mathomoni a 2025, Sweet Guluva o humbela tshiphirini uri Ogle a mu tendele u tangana na ṅwana na uri muṱa wawe u dalele muṱa wawe u itela u dzudzanya mafhungo a damage u ya nga maitele a mvelele ya Zulu.
Uya nga ha tshitatamennde, o sumbedza lutamo lwa u dzhenelela kha vhutshilo ha nwana.
Fhedzi mutambi wa matambwa uyu u amba uri ha athu tangana kana u vhona nwana , a tshi khou pomoka uri Ogle o hana khumbelo dzawe.
Tshigwada tshawe tsho engedza nga uri ndingedzo dzoṱhe dzo fhiraho dza u tandulula mafhungo nga tshiphirini dzo ṅwalwa nahone dza ṋekedzwa vhaimeleli vha mulayo.
Tshitatamennde tsho dovha tsha amba nga ha vidio ine ya khou phaḓalala ye khayo Ogle a vhudziswa nga ha uri khotsi a ṅwana wawe ndi nnyi.
Kha kilipi, hu pfi o fhindula lunzhi-lunzhi nga ipfi “Jwaang,” a tshi hana u bula khotsi awe.
Vhaṅwe vhashumisi vha zwileludzi zwa vhudzvhidzani vho ṱalutshedza hezwi sa u amba nga ha Sweet Guluva, we a shumisa ipfi ḽa SeSotho “Jwaang” kha vidio ya TikTok ye a i post nga Luhuhi 2026.
Vhalanguli vha Sweet Guluva vho ombedzela uri u swikela ene na muṱa wawe vha tshi tendelwa u ṱangana na ṅwana na u ita ndingo dza malofha, zwi ḓo vha zwi si na vhuḓifhinduleli uri a khwaṱhisedze kana u hanedza uri ndi khotsi.