DR Congo i dzhena kha thimu dza Tshiphuga tsha Ḽifhasi

Democratic Republic of Congo yo ita ḓivhazwakale nga u vhuyelela kha Tshiphuga tsha Ḽifhasi lwa u tou thoma u bva nga 1974.

Hezwi ndi nga murahu ha musi vho kunda Jamaica nga 1-0 kha mutambo wa playoffs nga Ḽavhuvhili vhusiku.

U kunda ho ḓa nga miniti ya vhu 100 musi Axel Tuanzebe a tshi dzhenisa bola kha nethe. 

Tshikoro tsho vha tshi khou timatimisa zwi tshi vhonala unga o i kwama nga tshanda fhedzi zwa ṱoliwa nga ZAR.  

DR Congo yo vha i tshi khou langa vhunzhi ha mutambo ngei Estadio Guadalajara, zwa sika zwikhala zwa khwine kha mutambo , naho zwikhala zwi re khagala zwo vha zwi zwiṱuku.

Mutambi wa phanḓa Cédric Bakambu ho ngo kona u dzumba dakalo ḽawe nga murahu ha musi ho no lila nḓevhe ya u fhedzisela.

“Ro takala, ro takala vhukuma,” o ralo. “Zwa zwino, ndi vhona unga a ri athu zwi pfesesa nga vhuḓalo…

“Fhedzi musi ri tshi vhuya Kinshasa, dzi ḓo vhuyesa.”

Hezwi zwi swaya lwa vhuvhili fhedzi DR Congo i tshi fanelea kha u sumbedzwa ha ḽifhasi.

Vho fhedzisela u vhonala minwaha ya 52 yo fhiraho musi lushaka lu tshi kha di divhea sa Zaire.

Vha vha thimu ya vhu 10 ya Afrika u dzhena kha mbambe nahone zwino vha ḓo ṱaṱisana kha Tshigwada tsha K khathihi na Colombia, Portugal na Uzbekistan.

• VHALANI HAFHU : DJ Zinhle o divhadza phefumu ntswa fhasi ha burende ya Era

Iraq yo ḓadza tshikhala tsha u fhedzisela tsho salaho tsha Tshiphuga tsha Ḽifhasi musi i tshi kunda Bolivia na Iraq.