Luambo lwa Musanda na Thalutshedzo

Musanda ndi fhethu hune havha na luambo lwaho lusa fani na lune vhasiwana vha shumisa lwone. Maipfi ane a shumiswa u amba tshithu a a fhambana na a luambo lwa vhasiwana.

Tshisevho tsha ula tsha vhamusanda ndi pfumi.

Vhuswa  ha vhamusanda vhu pfi malinga.

Musadzi (mutanuni) arali a tshi khou netshedza vhamusanda zwiliwa kana halwa ri ri u khou hwedza.

Vhana vha musanda vha vhizwa u pfi vhakololo.

Vhamusanda musi vha tshi khou amba, ri ri vha khou zwa.

Vhamusanda musi vho farwa nga vhulwadzwe , hu pfi hu na biso.

Vhamusanda musi vho fara lwendo , ri ri vho nenga.

Vhamusanda musi vha tshi khou la, ri ri vha khou ambara malinga kana vha khou shuma.

Vhamusanda arali vho lovha , ri ri vho dzama.

Mufumakadzi wa musanda u vhizwa upfi mutanuni.

Muta wa musanda upfi lutambwe.

Muno nga lwa musanda ndi matavha.

Zwifuwo nga lwa musanda ndi phedza.

Khono dza musanda ndi mano.

Luswielo  nga lwa musanda ndi mufanzwe.

Lufo nga lwa musanda ndi tshanda.

Tshitanga tsha musanda ndi tshamudane.

Luvhone nga lwa musanda ndi majo.

Luhura  nga lwa musanda ndi mafasho.

Madi nga lwa musanda ri ri ndi madzivha.

Ndilo  ine vhamusanda vha lela khayo i pfi phondelo.

Mbeu nga lwa musanda ndi makumba.

Mulilo nga lwa musanda ndi phandu.

Tsimu nga lwa musanda ndi dzunde.

Lufhanga lune vhamusanda vha shumisa ndi tshili.

• VHALANI ZWINWE : Mbule O bvukulula tshiphiri tsha uri ndi ngani o dzhena kha Pirates

Vhatukana vha musanda vha pfi maz hinda.