Youssef uri Pirates i lavhelele Chiefs ntswa i fhisaho
Kaizer chiefs a i tsha fana na kale. Heyi ndi ngeletshedzo i bvaho kha mugudisi Khalil Ben Youssef kha Orlando Pirates phanḓa ha mutambo.
Youssef o ombedzela uri ndi thimu yo fhambanaho vhukuma nahone vho ḓilugisela zwavhuḓi mutambo na Buccaneers nga Swondaha.
Kaizer Chiefs yo kundwa nga nḓila i shonisaho nga 3-0 kha mutambo wa u thoma mafheloni a ṅwedzi wa Luhuhi.
Nga hetsho tshifhinga, mutsiko wo vha u kha vhagudisi, hu na u timatima nga ha vhukoni ha Ben Youssef na Cedric Kaze ha u isa thimu phanḓa u swika mafheloni a khalanwaha.
Fhedzi musi ri tshi sedza murahu zwino, zwithu zwo shanduka vhukuma.
Kaizer Chiefs yo rembulusa khalaṅwaha yayo nga ndila i mangadzaho ubva tsheetsho.
KAIZER CHIEF VHO VHUYA
Vho no wina mitambo mitanu nga u tevhekana, vha tamba u lingana kha muthihi nahone zwino vha kha fomo yavhuḓi u itela u fhedza vhe kha vhuimo ha vhuraru kha Betway Premiership.
“Kha mutambo wa u thoma ro vha ri kha nyimele mmbi. Zwino hu na phambano khulwane,” Ben Youssef o vhudza vhavhigi vha mafhungo nga Ḽavhuṋa.
“Thimu yo shuma zwavhuḓi vhukuma kha mitambo ya rathi yo fhiraho — yo kunda miṱanu na u ṱangana luthihi.
“Kha nndwa, tshigwada tshine tsha ita vhukhakhi vhuṱuku nahone tsho ḓiimiselaho vhukuma ndi tshone tshine tsha ḓo kunda.”
Zwe zwa thusa Kaizer Chiefs uri i vhuyelele kha fomo na fulufhelo ndi u vha na tshigwada tsho fhelelaho zwino hu sina o huvhalaho.
“Nga ṅwedzi wa Ṱhafamuhwe ro vha na mafuvhalo manzhi, nahone zwo vha zwi tshi konḓa u fhaṱa thimu,” ho ṱalutshedza mugudisi.
“Zwino ro shumisa vhatambi nga muthihi nga muthihi kha mitambo yo vhalaho. Arali na ita nga u ralo, mvelelo dzi ḓo ḓa nga mvelo.”