Cheeseboy uri vha Pirates vha ḓo ḓisola kha Monnapule Saleng  

Cheeseboy o sumbedza uri tshigwada tsha Buccaneers tshi nga ḓisola nga tsheo ya u rengisa Monnapule Saleng kha tshigwada tsha Mamelodi Sundowns.

Mutambi wa minwaha ya 27 o ita zwithu zwi mangadzaho nga u dzhena Chloorkop vhukati ha khalanwaha nga nwedzi wa Phando.

Hezwi zwo itea nga murahu ha tshifhinga tshiṱuku kha Orbit College he a vha o hadzimiwa hone.

Monnapule Saleng o tamba mutambo wawe wa u thoma kha Sundowns nga Swondaha yo fhiraho musi i tshi tamba na Sekhukhune United.

Monnapule Saleng o dzhia miniti muthihi fhedzi kha mudavhi u humbudza vhatikedzi nga ha vhuimo hawe.

O dzhena nga miniti ya vhu 80 a dzhia vhudzulo ha Tashreeq Matthews, nahone hu sa athu fhela mimunithi ya mutambo, o thusa u sika tshikoro.

NAA VHA ḒO ḒISOLA?

Musi vha tshi khou amba kha Podcast ya SoccerBeat, Vho-Mokoena vho sumbedza u takala havho nga u vhuya ha mutambi uyu mudavhini.

Fhedzi o sumbedza u timatima nga ha tsheo ya Pirates ya u khwaṱhisa thimu yavho ine zwa zwino i khou ṱaṱisana nayo kha Betway Premiership.

“Ndi vhona unga kilaba yo vha i tshi zwidivha uri ndi ngani vha tshi tea u vhofholola Saleng”oralo Mokoena.

“Fhedzi ndi vhona unga Pirates khamusi i khou disola zwino ya ri, ‘Khamusi ro vha ro fanela u mu vhulunga kha ino khalanwaha’.”

• VHALANI HAFHU: Brendan u ḓihudza nga mubvumdedzwa wawe kha Skeem Saam

Zwazwino Pirates na Masandawana vhothe vha khou lingana nga points dza 41 kha ligi ya ntha.

Fhedzi Pirates i phanḓa nga phambano ya zwikoro ho sala mitambo ya 12.