Vha Pirates vho lugela ‘mutambo’ u konḓaho na Richards Bay
Muthusa mugudisi wa Orlando Pirates Vho-Mandla Ncikazi vhari vha khou di lugisela nndwa khulu ine ya khou vha lindela nga Lavhuraru vhusiku.
Vha Buccaneers vha ḓo ṱanganedza Richards Bay ngei Orlando Amstel Arena vhe na tshipikwa tshithihi muhumbuloni wavho: u vhuyelela kha vhuimo ha nṱha ha Betway.
Nga murahu ha u kunda ha Mamelodi Sundowns nga 2-0 kha Orbit College nga Ḽavhuvhili, Pirates zwino i murahu nga phoindi tharu.
U kunda fhedzi – nga zwikoro zwivhili kana u fhira – zwi ḓo vhuisa Pirates nṱha na u i vhulunga kha mbambe ya u dzhia tshiphuga.
A HU ṰOḒEAHO PHOSHWO
Ncikazi ha khou dzhiela fhasi Natal Rich Boyz. Vhaeni vhavho vha dzhena kha mutambo uyu vha na nungo nnzhi nga murahu ha musi vho tshuwisa Kaizer Chiefs nga u kunda nga 1-0 vhege yo fhelaho.
Naho zwo ralo, Pirates i kha ḓi vha na fulufhelo. Thimu i khou sedza kha u shumisa fulufulu line vhatikedzi vha hayani vha do vha nea lone.
Ncikazi u tenda uri ndugiselo yavho ya mutambo ndi yone ine ya do dzhia tsheo.
“Ri khou tamba hayani, phanḓa ha vhatikedzi vhashu,” ho engedza mugudisi wa Pirates wa tshifhinga tshilapfu.
“Arali zwithu zwa tshimbila nga nḓila ye ra ḓilugisela ngayo, ri fanela u wana phoindi tharu.”
Richards Bay i khou lwela u fhedza kha Top 8. Orlando Pirates i khou lwela tshiphuga tshayo tsha u thoma nga murahu ha minwaha i fhiraho fumi.
Mutambo u thoma nga 7.30pm nahone u fulufhedzisa u vha une vhatikedzi vha Pirates na vhapikisi vha sa ḓo vhuya vha u hangwa.