U ḓivhadzwa nga ha ‘ṱhalano’ ya Parker na mufarisi wawe

Mutambi wa kale wa Bafana Bafana Vho-Bernard Parker vho humbela tshidzumbe  nga murahu ha musi vho fhambana na mufarisi wavho wa miṅwaha miraru ane a ḓo vha a vha ramabindu Vho-Kacha Stepanovic.

Parker o ḓivhadza u fhandekana havho kha tshitatamennde tsha Instagram, a tshi khou sumbedza u ḓisola kha vhuṱungu he a vhu vhanga na u livhuwa Kacha kha lufuno lwawe, u sa fhela mbilu na thikhedzo yawe.

O ṱanganedza vhuḓifhinduleli ha vhukhakhi hawe, a tenda uri zwiṅwe zwiito zwi nga si fheliswe nga u humbela pfarelo. O dovha a ombedzela uri vhana vhavho vha ḓo vha ṱumanya lwa tshoṱhe.

Nḓivhadzo iyi yo ḓaḓisa vhatevheli vhawe vhe vha vha vha tshi tenda uri Parker o vha a tshi kha ḓi vha na Wendy Parker, we a mu mala nga 2012.

Nga murahu ha u humbulela ha tshitshavha nga ha vhushaka hawe, Parker o bvisa tshiṅwe tshitatamennde tshine tsha bvisela khagala uri ndi vhudavhidzani fhedzi ho khwaṱhisedzwaho nga ene kana muimeleli wawe o tendelwaho vhune ha fanela u dzhiiwa sa ha tshiofisi.

Vho humbela vhoramafhungo na tshitshavha uri vha litshe u phaḓaladza mafhungo a songo khwaṱhisedzwaho nga ha vhutshilo havho.

• VHALANI ZWINWE : Mafhungo maswa kha mulandu wa bulayo ḽa AKA

Vho Parker vhari vha khou shumana na mafhungo aya nga tshiphirini na nga vhuḓifhinduleli, vha tshi vhea phanḓa vhuḓifari na tshirunzi tsha muṅwe na muṅwe ane a khou shela mulenzhe, nga maanḓa vhana.

O engedza nga uri u ḓo davhidzana nga nḓila dzo teaho arali zwi tshi ṱoḓea.