Tyla u khou vula miṋango kha muzika nga A*POP World Tour

Mutambi wa Afrika Tshipembe Tyla o thoma lwa tshiofisi lwendo lwa ḽifhasi lwa A*POP ngei Paris.

Round iyi i na mitshino ya 34 u mona na ḽifhasi, nahone yo no ḓi thoma nga Musumbuluwo, ḽa 12 Tshimedzi 2026.

Hezwi zwi sumbedza u aluwa hawe kha muzika kha shango, musi a tshi dzhena kha tshifhinga tshiswa tsha mushumo wawe nga mbekanyamushumo khulwane nahone yo dzudzanyeaho.

Mulenzhe wa Europa wo thoma ngei Zénith Paris-La Villette, he Tyla a ṱangana na vhaeni vho khetheaho, vhane vha vha Royal MusiQ ya Afrika Tshipembe na muimbi wa Nigeria Bloody Civilian.

Fhedzi ho vha hu si u sokou tamba; o dovha a thoma mbekanyamushumo ya ndeme ya u ṋetshedza masheleni a u guda, That Girl Music Scholarship, yo livhiswaho kha u tikedza vhafumakadzi vhaṱuku vhane vha ṱoḓa u fhaṱa vhumatshelo kha muzika.

Mbekanyamushumo iyi yo vhidzwa nga luimbo lwawe lwa “That Girl” lu bvaho kha albamu ya A*POP.

I shumisana na Tyla, Sony Music, na Tshiimiswa tsha Pfunzo ya Dzitshaka.

basari, ya $5 000  (R83 000), dzi ḓo ṋetshedzwa matshudeni a vhafumakadzi vhane vha khou ita pfunzo ya nṱha kha zwa muzika.

Vhavhuyelwa vha ḓo katela matshudeni vha bvaho dzi ḓoroboni   USA, ngeno vhaṋa vha tshi ḓo bva Afrika Tshipembe.

Nga nnḓa ha tshumelo ya pfunzo, vhakhethi vha ḓo dovha vha wana thikhithi dza khontsathi dzo khetheaho na u wana tshikhala tsha u ṱangana na Tyla. 

Nga murahu ha Europa, ḽiisela ḽi ḓo pfulutshela North America ḽa thoma ngei California nga ḽa 12 ḽara. 

• VHALANI ZWINWE : Hlulani u amba nga ha Mbingano yawe na Nompumelelo 

Nga murahu ha zwenezwo, Tyla u ḓo vhuya hayani kha khontsathi mbili nga ṅwedzi wa Phando 2027: ngei Cape Town nga dzi 4 Phando, na ngei Johannesburg nga dzi 9 Phando.