Ouaddou o takala nga u vhuya ha vhatambi vha ndeme vha Pirates

Nga phanḓa ha mutambo muhulwane wa Mugivhela, mugudisi wa Orlando Pirates Vho Abdeslam Ouaddou vho khwaṱhisedza u vhuya ha vhatambi vhavhili vha ndeme.

Mugudisi wa Morocco o bvisela khagala uri Evidence Makgopa na Talente Mbatha vho khwatha nahone vho lugela u tamba.

Hezwi zwi khou ḓa nga tshifhinga tshavhuḓi kha Buccaneers, ine ya khou ṱoḓa u fhira kha vhege i konḓaho.

MUTSINI WA ZWIKORO U A VHUYA

U sa vha hone ha Evidence Makgopa zwo vha na masiandoitwa mahulwane sa izwi Pirates yo vha i tshi khou tambula nga u kora kha mitambo ya zwenezwino.

Mutambi wa minwaha ya 25 o vha ene mutheo wa u ṱhasela ha Ouaddou kha ino khalanwaha.

O no kora zwikoro zwiraru na U thusedza  huraru kha mitambo ya 14 ya ligi.

“Nga ha Makgopa, u kha ḓi vha kha thimu.Ro takala vhukuma o vhuya.

“O vhuyelela kha vhugudisi nahone o no ḓilugisa,” Ouaddou o vhudza vhavhigi vha mafhungo nga Ḽavhuṋa.

Mbatha o xelelwa nga mitambo mina yo fhelaho, zwa sia tshikhala tshihulwane kha tshigwada.

• VHALANI HAFHU : Mutambi wa kale wa Chiefs u do bandida e Zim

Musi Makgopa na Mbatha vho vhuya, Ouaddou u na tshigwada tshawe tsho fhelelaho phanḓa ha mutambo wa mugivhela.