Orlando pirates yo vhuyelela kha vhuimo ha nṱha

Orlando Pirates yo vhuya kha vhuimo ha nṱha ha ṱafula ḽa Betway premiership musi mbambe ya u dzhia tshiphuga i tshi khou bvela phanḓa.

Vha Buccaneers vho kunda Richards Bay nga zwikoro zwivhili kha gumba ngei Orlando Amstel Arena nga Ḽavhuraru vhusiku.

U kunda ho vhea Orlando Pirates kha vhuimo vhu fanaho na Mamelodi Sundowns. Fhedzi-ha, vha dzula vhe nṱha nga phambano ya zwikoro.

Mutsiko wo vha u muhulwane nga murahu ha musi Sundowns yo kunda nga Ḽavhuvhili, fhedzi Bucs yo fhindula nga tshitaila.

Oswin Appollis ndi ene we a vula tshikoro kha luṱa lwa u thoma. 

Evidence Makgopa o mbo ḓi kora tshikoro tsha u fhedzisela nga tshikoro tsha vhuvhili.

Musi vha tshi amba nga murahu ha mutambo, standout Appollis o amba uri ndi vhuḓidini ha tshigwada, nahone vho vha vha tshi zwi ḓivha uri vha fanela u kunda.

“Ndi livhuwa vhatambi nga nṋe – ro shuma nga maanḓa vhukuma ṋamusi.Ro vha ri tshi vho ṱoḓa mvelelo iyi kale,” Appollis o ralo.

“Roṱhe ri a shuma, roṱhe ri a kora zwikoro.Ndi zwa ndeme uri ri ye mitamboni ngauri ri sika zwikhala.

• VHALANI HAFHU :  Yaw Yeboaho iledzwa u tamba bola ya US lwa vhutshilo hoṱhe

“Mugudisi u kha ḓi ri ṱuṱuwedza uri ri dzhenise zwikoro, nahone riṋe sa vhatambi ri dzulela u ṱoḓa zwikoro.”