Vhaḓivhalea

Neliswa o bviswa kha  Big Brother Mzansi nga vhuḓifari hawe  

Nga madekwana a Swondaha ho vha na vhathu vha vhili vho ṱuwaho nduni ya Big Brother Mzansi.

Tsha u thoma ho vha hu Dube, we a kundelwa u wana vouthu dzo eḓanaho uri a dzule nḓuni.

Wa vhuvhili ho vha hu Neliswa, we mashudu mavhi a tea u ṱuwa nga ṅwambo wa u pandeliwa.

Neliswa ndi ene housemate wa u thoma u pandeliwa kha Big Brother Mzansi.

Hezwi zwo vha zwi tshi khou itiswa nga u rwa Que nga tshifhinga tsha u nndwa ye ya itea nga murahu ha phathi ya vhusiku ha Mugivhela.

Ḓirama yo bvelela nga murahu ha musi vhane vha dzula nḓuni vho vhuya kha phathi yavho ya vhege iṅwe na iṅwe, ho vha na khanedzano dzo vhalaho kha zwiimo zwo fhambanaho zwa zwigwada.

Iṅwe ya dzenedzo nndwa yo vha i tshi katela Que na Didi. 

Nga tshenetsho tshifhinga , Que o ṱhasela Didi nga maipfi, a mu vhidza slut,a engedza nga uri, “a zwi mangadzi uri no tambudzwa”.

Hezwi o vha a khozwi ambela kha zwo bvelelaho kale kha Didi.

Muṅwe muthu we a vha a tshi dzula nae nḓuni we a si ṱanganedze maipfi a Que nga vhulenda ndi Neliswe, we a shumisa mavili.

Nga zwiito zwawe, o sumbedzwa munango hu si na nyambedzano.

Didi o wana zwiṱiraiki zwivhili nga ṅwambo wa u ṱuṱuwedza na u lingedza u ita khakhathi.

Ngeno Que o wana tshiṱiraiki tshithihi nga ṅwambo wa u amba zwithu zwine zwa vhaisa.