Ndi ngani Ṅwedzi wa Vhaswa u sa sokou vha hashtag

Ndi tshifhinga tsha u elekanya nga ha ḓivhazwakale yashu yo ṱanganelanaho na u vusa vhuḓikumedzeli hashu kha u fhaṱa vhumatshelo vhu penyaho.

Fulwi a si muṅwe ṅwedzi fhedzi Afrika Tshipembe , ndi Ṅwedzi wa Vhaswa.

 Nahone ḽa 16 Fulwi ḽi fhira u sokou vha ḓuvha kha khalenda , ndi tshihumbudzo tshi re na maanḓa, u konḓelela, na miloro ya tshivhindi ine ya ṱalusa murafho washu.

Ndi tshifhinga tsha u elekanya nga ha ḓivhazwakale yashu yo ṱanganelanaho, u hulisa vhaswa vha 1976 vhe vha imela vhumatshelo havho.

 Na u vusa vhuḓikumedzeli hashu kha u fhaṱa matshelo a penyaho.

Fhedzi kha ri vhe vha vhukuma; u vha muswa Afrika Tshipembe ṋamusi a zwo ngo leluwa tshifhinga tshoṱhe.

 Vhukuma, ‘ama 2000s’ vha vhonala vha tshi ḓivha zwoṱhe, nahone vhabebi vhashu vha dzulela u ri humbudza uri ri na “zwoṱhe zwine ra zwi ṱoḓa,”

Fhedzi ri kha ḓi ṱangana na khaedu khulwane, u fana na u sa shuma ha vhaswa huhulwane, nndwa dza mutakalo wa muhumbulo,

Mitsiko ya tshitshavha, na vhuleme honoho vhu sa fheli ha u ṱoḓa u zwi ṱalukanya zwoṱhe.

Ngoho ndi ya uri, a ri zwi ḓivhi. Nahone hezwo zwo luga tshoṱhe.

U vha muswa a si u vha na zwoṱhe. Ndi zwa u guda, u aluwa, u wa na u ṱalifha tshifhinga tshoṱhe.

• VHALANI HAFHU:Lufuno lwa Ubuntu: Fiḽosofi ya Afrika Tshipembe

Zwi fhira ngudo ya ḓivhazwakale na hashtag dzine dza khou ḓivhea – Ndi nga ha u hulisa hune ra bva hone uri ri kone u vhumba hune ra khou livha hone.

Translated by Nthaduleni Rolivhuwa