Maswa nga ha Tshego Mabasa a ṱumanaho na Chiefs

Hu na mivhigo ine ya khou hula ya uri Tshegofatso Mabasa u do dovha a tevhela Paseka Mako na Thabiso Monyane kha Kaizer Chiefs.

Vhuvhili havho vho ita zwithu zwi sa anzeli u itea kha bola ya milenzhe yapo nga u bva kha Orlando Pirates vha livha kha Chiefs thwii.

Fhedzi zwino zwi vhonala uri a si vhone fhedzi sa izwi Chiefs yo vusuludza nḓowetshumo nga u wana vhatambi kha vhahura vhayo mahala.

NYAMBEDZO NA CHIEFS .

Mafhungo a uri Tsego Mabasa vha kha nyambedzano na tshigwada tsha Kaizer chiefs o bviselwa khagala nga vha Soccer beat nga kha muvhigi wavho Vho-Peter Du Toit.

“Ro amba na muimeleli wawe – hezwi ndi ngoho, a si mavharivhari,” ho amba Du Toit.

“Thendelano yawe i fhela musi khalanwaha i tshi fhela, nahone a zwi vhonali uri Pirates i do i vusuludza.

“Ndi nga dovha nda ni vhudza uri ndi ngoho uri ho vha na nyambedzano vhukati ha Kaizer Chiefs na Mabasa, na mulanguli wawe.

“Hezwi zwi khou bva thwii kha mulanguli wawe, a si mavharivhari. Ngauralo a hu na ṱhoḓea ya u khwaṱhisedza na thimu.”

O THETSHELESWA NGA VHAVHILI .

“Zwiṅwe zwe nda zwi pfa ndi zwa uri arali Mabasa a sainiwa, Chiefs i ḓo bvisa vhatambi vhavhili vha striker uri vha mu ṋee tshikhala.

“Arali na zwi sedza, hu na Mayo, Du Preez, Ighodaro, Silva, Duba, Baartman, Hlongwane na Morris – zwine zwa ita vhatambi vha sumbe vhane vha ṱhasela.”

• VHALANI HAFHU: Vhafuni vho takala u vhona Makhadzi o vhuya kha u imba

Zwazwino Mabasa o hadzimiwa kha thimu ya Pirates kha Stellenbosch FC nahone a nga tamba nga Ḽavhuvhili arali hedzi thimu dza dovha dza ṱangana.