Mshefane u livhuwa thikhedzo ubva kha maAfrika Tshipembe

A zwi tsha vha tshiphiri zwino zwauri Mshefane u bva kha vhubvo vhu ṱungufhadzaho.

U fana na vhanzhi vhane Big Brother Mzansi a vha bvisa nḓuni, Mshefane o ṱanganedzwa nga lufuno nga muṱa wawe wa lufuno, khonani khathihi na vhahura.

O ṋea tshipitshi tshi kwamaho mbilu a tshi ṱuṱuwedza vhaswa vha vhuponi hawe uri na vhone vha ye kha Big Brother u itela u shandula matshilo avho.

Mshefane o ḓa kha mbekanyamushumo e na zwienda zwithihi fhedzi, vhatikedzi vha muṋea zwienda zwiṅwe.

Naho zwo vha zwi tshi konḓa o lingedza nga nungo dzoṱhe u tamba mutambo.

Mutambi wa reality show na muphandi, o vha a tshi khou ṱaṱisana vhukuma nḓuni.

Hezwi zwo ita uri a vhe wa vhuvhili kha mitambo ya u thoma ya Head of House, ye ha kunda Ofentse.

Zwi ṱungufhadzaho ndi uri nnḓa ha nnḓu vhutshilo ha Mshefane ho vha vhu songo leluwa nga u ralo.

O vhudza Don we a vha a tshi dzula nae nḓuni, nga ha vhuimo hawe.

Mshefane o vhudza Don uri u khou vhilaela nga ha mutakalo wa ṅwana wawe na mme awe musi e siho.

Hafhu hu na zwifanyiso na dzi video kha  zwileludzi zwa vhudavhidzani dzine dza sumbedza uri vhutshilo vhu konḓa hani kha Mshefane na muṱa wawe.

Nga zwenezwo, zwo ita uri vhashumisi vha social media vha ṱoḓe u mu donethela.

U swika zwino vhanzhi vha khou ṋetshedza tshelede, ngeno vhaṅwe vha tshi khou ṋetshedza thundu.

Muṅwe mufumakadzi o ṋea Mshefane ṱhoho ya mmbete, a tshi amba uri hu na zwiṅwe zwine zwa ḓo ḓa.

O dovha a vha na zwienda zwiswa, zwine a zwi fina  vhukuma.

• Vhalani hafhu : Orlando Pirates yo no ṱalula ane a ḓo dzhena vhuimoni ha Ndah

“U bva kha u ambara tshienda tshithihi u swika kha hezwi🥺❤️ Ndo livhuwa nga maanda donesheni 🙏🏾🙏🏾,” Mshefane o ralo a tshi livhuwa.