Chiefs i na fulufhelo kha Mayo u fhelisa gomelelo ḽa zwikoro

Khalil Ben Youssef u tenda uri Khanyisa Mayo o ḓiimisela u shela mulenzhe kha fulo ḽa Kaizer Chiefs kha zwipiḓa zwa u fhedzisela zwa khalanwaha ya Betway Premiership.

Mayo o sumbedza vhukoni hawe nga Ḽavhuraru vhusiku, musi a tshi bva kha bentshi a dzhia tshikoro tsha u kunda musi Chiefs i tshi kunda Magesi FC nga 4-1 tshitediamu tsha Peter Mokaba.

Kha Ben Youssef, tshikoro tsha Khanyisa Mayo tsho vha tshi tshi khou ṱoḓea vhukuma kha u ḓifulufhela hawe.

“O vha a tshi khou shuma nga maanda fhedzi o vha a si na mashudu nga nthani ha huvhala” ndi mugudisi wa Chiefs.

“Kha gym musi ri tshi khou guda, o vha a tshi khou tamba zwavhudi vhukuma na u lwela vhuimo hawe.”

Khalanwaha ya Mayo yo vha yo tshinyadzwa nga mafuvhalo, zwe zwa ita uri a si tsha kona u tamba zwavhuḓi nahone zwa kwama fomo yawe.

Na musi a tshi vhuyelela kha mutambo, o vha a sa koni u vhuyelela nga u ṱavhanya kha fomo yawe ya u kora zwikoro — zwithu zwe zwa vha zwi tshi khou vhilaedzisa vhagudisi.

“O vha a si na mashudu nyana kha mitambo i si gathi yo fhiraho a sa dzhii tshikoro,” ho bvela phanḓa Ben Youssef.

• VHALANI HAFHU: Magesi yo kundwa nga thimu ya soweto nga Ḽavhuraru vhusiku

“Fhedzi zwino u na tshikor tshawe tsha vhuvhili, nahone ri tenda uri zwenezwo zwi ḓo mu tendela u thusa thimu.”