Zwitori zwa ḓaka ḽa Thathe Vonḓo.

Thathe Vonḓo i dovha ya vha na Ḓaka Ḽikhethwa, fhethu ha mimuya ya vhomakhulukuku.

Nga ngomu ha heḽi ḓaka hu na thavha ya Thathe, hune ha vha na mabako ane a vha fhasi ha mikano mihulwane ya matombo.

Ndi nga ngomu ha mabako hune Thavha ya Thathe na Ḓaka zwa ḓa zwa vhaliwa sa haya ha zwithu zwisongo doweleaho Zwa mvelo.

Zwiṱori zwine zwa tshimbidzana na Ṋethathe zwi amba uri, sa muḓivhi wa zwa vhungome,

nga zwiṅwe zwifhinga o vha a tshi shanduka u bva kha tshivhumbeo tshawe tsha muthu a vha ndau

ine ya vha na vhuhali vhukuma ye ya vha i tshi dzula ḓakani ḽa tsini;u dzhia bako sa vhukhudo hayo.

Ngauralo nga murahu ḓaka na tshikwara tshaḽo zwoṱhe zwo mbo ḓi vhidzwa Thathe ubva kha Ṋethathe yone iṋe.

Nga ngomu ha ḓaka ḽa Thathe, nga tshilimo na nga miṅwedzi ya tshifhefho,

mitshelo ya ḓaka yo yaho nga u fhambana yo vha i tshi vhibva nga vhunzhi.

Hezwi nga tshenetsho tshifhinga zwo vha zwi tshi vhumba zwiḽiwa zwihulwane zwa ndau ya muthu Ṋethathe,

Ndi zwine ngazwo muthu na tshipuka zwa si tendelwe zwi tshi dzhena.

Nga nnḓa ha mitshelo, nga ngomu ha ḓaka ḽa Thathe dziṅwe Ngowa khulwane dzine dza ḓivhiwa sa “mwimbo”dzo vha dzi tshi wanala hanefho.

Hezwi zwo takadzwa nga Vhadau vha Tshidzivhe.

Fhedzi Nethathe wa muthu-ndau o vha a sa tendeli muthu a tshi ḓa ngazwo;

Hezwi zwi tshi vha zwiḽiwa zwine zwa ḓifha vhukuma na zwiḽiwa zwa “khosi ya ḓaka”.

Uya nga ha lutendo lwa zwitshavha zwa Tshidzivhe, ndau ya Ṋethathe i bvela phanḓa na u mona mona ḓakani u swika zwino.

Mutshelo naho u ufhio muswa u bvaho tsimuni a u faneli u ḽiwa, hu sa athu ṋekedzwa zwiṅwe zwiṱhavhelo kha khosi ya ḓaka.

Vhalani hafhu: Zwitori zwa Tshatshingo Pot Holes.