Black Coffee o rwela ṱari fulo ḽa Gift of Sight ngei Soweto

DJ we a wina Grammy na mubveledzi Black Coffee u khou dovha a vha thoho dza mafhungo nga u ṋetshedza murahu, tshifhinga hetshi nga kha fulo ḽa back-to-school ngei Soweto.

O bebwa Nkosinathi Maphumulo, ṋaledzi ya muzika wa dzitshaka o dalela tshikolo tsha phuraimari tsha Thabisang ngei Orlando West, Johannesburg, nga Ḽavhuṱanu.

He Foundation yawe wa ṋetshedza yunifomo yo fhelelaho ya tshikolo na zwienda kha vhagudiswa vha shayaho.

Vhukando uhu ho swaya u thomiwa lwa tshiofisi ha fulo ḽa back-to-school ḽa 2026 ḽa Black Coffee Foundation, nga u shumisana na Gautrain.

Kha tshitatamennde, foundation yo amba uri tshipikwa a si u ambadza vhagudiswa fhedzi fhedzi ndi u vha fha maanḓa musi vha tshi thoma ṅwaha wa pfunzo.

I engedza nga uri vhagudiswa vha Tshikolo tsha Phuraimari tsha Thabisang “a vho ngo sokou wana yunifomo na zwienda, vho dzhena kha ṅwaha vhe na u ḓikukumusa na ndivho.”

Nga nnḓa ha yunifomo, foundation yo dovha ya ḓivhadza mbekanyamushumo ntswa ine ya vhidzwa Gift of Sight, yo livhiswaho kha u tandulula khaedu dza u vhona kha vhagudiswa.

Vhukando ho sedza kha u ṱavhanya u ṱhogomela na u dzhenelela u vhona uri thaidzo dza u vhona a dzi thithisi kushumele kwa zwa pfunzo.

• VHALANI HAFHU: Gogo maweni u shumbedza goloi yawe ntswa ya Range Rover

“Ri a ḓihudza nga u thoma mbekanyamushumo iyi thwii hune ya ita phambano khulwanesa, zwikoloni,  ngomu tshitshavhani.” yo ralo black coffee foundation.