Vho Sechaba vha ṱalutshedza tshiitisi tsha uri Mofokeng o litsha  Sundowns a ye kha Pirates 

Relebohile Mofokeng o vha a tshi ḓovha o ambara jersey ya Mamelodi Sundowns, fhedzi o nanga Orlando Pirates naho o vha vho mufha muholo wa fhasisa vhukuma u fhira wa Brazil.

Khotsi a mutambi uyu, Sechaba Mofokeng, vho bvisela khagala uri Sundowns yo vha i tshi khou ṱoḓa u dzhia mutukana wavho uri a ye u tamba kha thimu yavho ya vhaswa vha fhasi ha miṅwaha ya 19.

O fulufhedziswa uri arali a shuma zwavhuḓi henefho u ḓo huliswa a ya kha thimu ya DStv Diski Challenge (DDC).

Uya nga ha Sechaba, vha Sundowns vho vha vho ḓiimisela u badela Relebohile R15 000 nga ṅwedzi.

Pirates, naho zwo ralo, yo mu ṋea tshikhala tsha u tamba kha DDC nahone ya mu badela R6 000 fhedzi nga ṅwedzi.

Musi vha tshi khou amba kha mbekanyamushumo ya Giants, Vho-Sechaba vho amba zwe zwa itea musi muṱa wo lindela tsheo nga ha Sundowns.

“Ro vha ro fulufhedzisa u vhuyelela khavho nga Lavhuvhili.Fhedzi nga Lavhuvhili nga matsheloni vhathu vha Pirates vho mbo di bvelela nga u ṱavhanya.

“Vha ri vho rumela Khoza ngauri o vha a tshi khou ṱoḓa u saina Rele,” ndi Sechaba.

Ho vha ho sala tsheo i konḓaho: uri Relebohile u ḓo nanga Sundowns, ye ya ṋea R15 000, kana Orlando Pirates, ye ya ṋea R6000.

Sechaba uri o ṋea mutukana wawe khetho nahone a lingedza u mu ṱalutshedza phambano ya tshelede ine a ḓo i wana.

“Ndo ri zwothe zwi kha inwi khonani yanga. Arali na nanga Yellow vha do ri fha R 15,000 nga nwedzi. Arali na ya kha Pirates vha do ni fha R 6,000″oralo.

Naho zwo ralo, Relebohile Mofokeng o vha a sa ṱoḓi u shandula muhumbulo wawe. O humbela u ṱamba, a ri u ḓo vhuya na tsheo nga murahu.

Musi a tshi vhuya o zwi bvisela khagala uri u khou humbela u dzhena kha Orlando Pirates.

Vho-Sechaba vhari vho vhudzisa nwana wavho uri ndi ngani o nanga thimu ya Soweto naho muholo wavho u fhasi.

“O amba uri vhunzhi ha vhatambi vha Pirates vha bva kha DDC vha ya kha thimu khulwane,” khotsi awe vho ṱalutshedza.

• VHALANI ZWINWE : Afrika Tshipembe ḽo xelelwa zwihulu nga Sibusisiwe Gugu Manqele

Yeneyo tsheo yo mbo ḓi vha tshifhinga tsha tshanduko kha mushumo wa Relebohile.