Vhalambedzi vha Afrika vho vhea ito Tshegofatso Mabasa

Ho bvelela muvhigo muswa wa uri mutambi wa Orlando pirates Tshegofatso Mabasa u tsini na u pfulutshela mashangoni a nnḓa.

Zwo bvelela uri naho Mabasa e na tshivhalo tsha dzi kilabu dzapo dzine dza vha na dzangalelo khae – hu tshi katelwa na Kaizer Chiefs – a nga vha a tshi khou livha mashangoni a nnḓa.

Hezwi zwi khou ḓa nga murahu ha musi ho bvelela mivhigo ya uri o kunga ṱhogomelo ya tshigwada tsha Libya tsha Al-Ittihad SC.

Arali zwa itea, u do dovha a shuma fhasi ha Rulani Mokwena, we a vha a tshi shuma nae kale kha Pirates.

Mutambi uyu wa minwaha ya 29 u khou lavhelelwa u bva kha thendelano na Bucs mafheloni a nwedzi wa fulwi.

Tshegofatso Mabasa zwazwino o hadzimiwa kha thimu ya stellenbosch fc. O dzhena kha kilabu ya Cape Town nga tshifhinga tsha u rengisa vhatambi nga ṅwedzi wa Phando.

Naho o vha e muṅwe wa vhatambi vha khwinesa vha Pirates miṅwahani ya zwenezwino, o ḓiwana a tshi khou bviswa nga fhasi ha Abdeslam Ouaddou.

Mugudisi wa Morocco o vha a tshi khou shumisa Evidence Makgopa na Yanela Mbuthuma, zwe zwa sia Mabasa a si tsha tamba.

• VHALANI HAFHU: Aden McCarthy o ṅwala  mulaedza u kanganyusaho  

Zwino ngauri vhumatshelo hawe kha Pirates a vhu athu vha khagala, tshikhala tshiswa tsha nnḓa ha shango tshi nga vha fhethu ho fhelelaho ha u vusuludza fomo yawe.