Uncategorised

Vhaendelamashango vhavhili vho wanala vho vhulawa Kruger National Park

  Zwitumbu zwa vhaendelamashango vhavhili zwo wanala tsini na Pafuri kha tshipiḓa tsha devhula tsha Kruger National Park, zwe zwa vusa mushumo muhulwane wa mapholisa wa u ṱoḓa vhavhulayi vhavho.

Zwitumbu zwo wanala nga Ḽavhuṱanu ḽa dzi 22 shundunthule, tsini na mulambo wa Luvuvhu kha vhupo ha Crooks Corner hune mikano ya Afrika Tshipembe, Zimbabwe na Mozambique ya ṱangana hone.

 Vho waniwa nga vhaendelamashango ngavho vhe vha vha vha tshi khou vhona zwipuka kha vhupo honoho.

Mawanwa a u thoma a sumbedza uri vhapondwa vhoṱhe vho vha vhe na zwilonda zwa u ṱhavhiwa kha tshipida tsha ntha tsha  muvhili .

Mapholisa vha khou sedzulusa milandu ya u vhulaha na u dzhia zwithu nga khani, sa izwi goloi ya Ford Ranger double cab dala ye vhavhili vha vha vha tshi khou tshimbila ngayo i sa athu wanala.

Ho thomiwa mushumo wa u ṱoḓa nga madekwana a Ḽavhuṋa ḽa ḽa 21 shundunthule, nga murahu ha musi vhashumi vha gammbani vho no vhilaela musi vhaendelamashango vha tshi kundelwa u vhuyelela gammbani ye vha vha vho ṅwaliswa khayo.

Vhavhili avha — munna wa minwaha ya 71 na mufumakadzi vhane vha kha di khwathisedzwa uri ndi vhonnyi — vho vha vho dzhena phakhani nga Swondaha, dzi 17 shundunthule, nahone vho fhedzisela u vhoniwa nga matsheloni a Lavhuraru, dzi 20 shundunthule ngei Pafuri picnic site.

 Minisiṱa wa zwa Forestry, Fisheries and the Environment, Vho Willie Aucamp, vho amba uri vho amba na vhurangaphanḓa ha SANParks u vhona uri tshumisano i bvela phanḓa na Tshumelo ya Mapholisa ya Afrika Tshipembe.

“Ro imela SANParks na Muhasho, ri livhisa ndiliso dzashu kha muṱa wa vhapondwa nga tshifhinga tshi konḓaho hetshi,” ho amba Vho ​​Aucamp.

Vho khwaṱhisedza uri mapholisa na vhaofisiri vha SANParks vho wana na u ḓivhadza muṱa wa vhapondwa. 

Nga nṱhani ha u ṱhonifha muṱa na u tendela ṱhoḓisiso dzi tshi bvela phanḓa hu si na u thithisea, vhahulwane vho amba uri a hu na maṅwe mafhungo ane a ḓo bviswa nga hetshi tshifhinga.