Teboho Mokoena u khou vhuya—Fulufhelo liswa kha Sundowns
U sa vha hone ha Teboho Mokoena kha mutambo wo fhelaho wa Mamelodi Sundowns ndi zwinwe zwa zwithu zwe zwa ambiwa uri zwo ita uri hu vhe na ṱhoni dzi sa athu vhuya dza vha hone.
Sundowns yo mangadzwa nga Wiliete ya Angola kha ligi ya vhahali ya CAF.
Ho vha na nyofho kha vhatikedzi uri zwithu zwi do vhifha sa izwi phuphu ya mutambi wa vhukati wa thimu yo huvhala.
Fhedzi dokotela wa thimu, Vho-Dr Carl Tabane, vho bvisela khagala uri mutambi wa vhukati u khou lavhelelwa u vhuyelela mudavhini vhege dzi si gathi dzi ḓaho nga murahu ha musi o huvhala kha magona.
Mokoena o thoma u huvhala musi a tshi khou tamba kha Bafana Bafana, a xelelwa nga mitambo ye vha vha vha tshi khou tamba na Eritrea na Egypt.
O dovha a tamba miniti ya 90 kha mutambo wa u fhedzisela wa MTN8 kha Sundowns musi vha tshi tamba na Orlando Pirates.
Mugudisi wa Sundowns Vho-Miguel Cardoso vhari mutambi uyu o tamba kha mutambo wa u fhedzisela wa MTN8 e na khundu dze dza vha dzi sa athu fhola tshoṱhe.
Dr Tabane vhari Mokoena na ene o huvhala fhethu huthihi.
“Ri fhulufhela uri u do vhuya nga murahu ha vhege kana mbili.
“Ri khou shuma nga maanḓa u itela uri a vhuye nga u ṱavhanya,” ho amba Dokotela Tabane.
- VHALANI ZWINWE Shalate Sekhabi-Zuma o Wina Pfufho Khulwane ya u tamba
Aya ndi mafhungo avhudi kha mugudisi wa Bafana Bafana Vho-Pitso Mosimane, vhane vha do toda Mokoena kha mitambo mivhili ine vha do tamba na Kenya.
Naho Teboho Mokoena a tshi nga vhuya hu si kale, Mamelodi Sundowns i kha ḓi sedzana na u huvhala ha vhaṅwe vhatambi vha ndeme vhane vha katela Khuliso Mudau, Grant Kekana, Keanu Cupido na Kegan Johannes.