Mafuvhalo o ḓaho na mutambo wa soweto derby

Mutambo wa Soweto derby wo ḓa wa ṱuwa, wa sia kha Orlando Pirates na Kaizer Chiefs hu na mafuvhalo.

Vhuvhili havho vha do kombetshedzea u dovha hafhu vha dzudzanya zwigwada zwavho kha mitambo ya Betway Premiership ya ino vhege.

MUTAMBO U TEVHELAHO WA CHIEFS

Amakhosi i ḓo ṱangana na Richards Bay nga Ḽavhuvhili hu si na mutsireledzi wayo ane a vha na tshenzhemo Zitha Kwinika.

Mutambi wa kale o wana khadi yawe ya vhuṋa ya taḓa musi vha tshi kundwa nga Pirates nga 3-0, zwe zwa ita uri a imiswe mutambo muthihi.

U itela u ḓadza tshikhala, Kaizer Chiefs i khou lavhelelwa u ita tshanduko dzi tevhelaho:

• Aden McCarthy: A nga vhuyelela kha vhuimo hawe ha mvelo kha mutsireledzi wa vhukati nga murahu ha musi o thoma kha mutsireledzi wa tsha monde kha mutambo.
• Inacio Miguel: Mutambi wa Angola we a fhola, o tamba lwa u thoma nga murahu ha vhege dzi si gathi musi hu tshi tambiwa na Pirates.

           U khou lavhelelwa u tamba na McCarthy kha mutsireledzi wa vhukati.

• Mutambi wa murahu wa tsha monde: Sa vhunga McCarthy a tshi nga vhuyelela vhukati ha mudavhi, vhagudisi vha nga nanga vhukati ha Paseka Mako na Bradley Cross kha mutambi wa murahu wa tsha monde.

KHA  PIRATES

Orlando Pirates i ḓo vha i si na Man of the metch Kamogelo “Mamosha” Sebelebele musi i tshi ḓo ṱangana na Polokwane City nga Ḽavhuraru.

U fana na Kwinika, Sebelebele o wana garaṱa yawe ya vhuṋa ya muvhala wa taḓa nga tshifhinga tsha mutambo muhulwane wa mafhelo a vhege.

Deon Van Rooyen: Pirates i khou lavhelelwa u dzhia Deano Van Rooyen kha mutambi wa murahu wa tsha u ḽa.
Van Rooyen o vha a tshi khou tshintshana na Mamoshas kha vhuimo uhu kha ino khalanwaha.

• VHALANI HAFHU: DJ Zinhle na Oskido vho thoma podcast ntswa ya zwa mutakalo

Musi ho sala mitambo ya 12 kha season, mutambo munwe na munwe unga vha wo khwatha vhukuma nahone point inwe na inwe i do vha ya ndeme.