Royal AM 2.0? iṅwe ḓirama hafhu kha PSL

Premier Soccer League i nga vha yo livha kha dziṅwe ḓirama dzine dza katela vhuṋe ha iṅwe ya kilabu dzayo.

Nga murahu ha musi hu tshi pfi Marumo Gallants yo kundelwa u badela vhaṋe vha kale vha Moroka Swallows kha vhuimo he vha vhu renga nga ṅwedzi wa Lambamai 2024.

SABC Sport i vhiga uri Swallows yo khansela thendelano ya u rengisa nahone arali ya kombetshedzwa nga khothe, zwenezwo zwi ḓo sia Gallant i si na vhuimo ha nṱha nahone PSL yo bainda.

Swallows, ye ya vha i tshi langiwa nga muphuresidennde wa zwino wa Upington City Vho-David Mogashoa, vho no ya kha khothe khulwane uri vha kombetshedze uri vhuimo ha Gallants vhu vhuyelele kha kilabu ya Soweto.

Nyeletshedzo ndi ya uri Swallows i ḓo wana muṅwe murengi, nṱhani ha u dovha ya dzhena kha ligi.

U ya nga muvhigo, ho badeliwa R20-miḽioni  kha  R40-miḽioni ye yavha yo tiwa, fhedzi iṅwe R10-miḽioni ya (SARS) u itela tshikolodo tsha muthelo na iṅwe R10-miḽioni ya u badela u  vhatambi na vhashumi, a yo ngo badeliwa.

Vha Gallant, vhe vha pfuluwa Limpopo vha ya Bloemfontein musi thendelano i tshi sainiwa, hu khou pfala uri a vho ngo fhindula vhaimeleli vha mulayo vha bvaho Swallows.

• VHALANI HAFHU: Theo Kgosinkwe u ita zwithu zwihulwane u pembelela Lufuno

Vhe vha vha ṋea maḓuvha a 15 uri vha badele zwikolodo zwavho zwine vha kha ḓi vha nazwo kana vha ḓo tangana  khothe, zwine zwino zwi khou ḓa.