Puso Dithejane o thoma u ḓiitela dzina kha thimu ya Chicago Fire

Mutambi wa Afrika Tshipembe Puso Dithejane o thoma u ḓiitela dzina kha tshigwada tsha Chicago Fire kha ligi khulwane ya bola ya milenzhe ya Amerika.

Nga murahu ha u tambula nga u ḓitika na u dzhena kha mutevhe wa u thoma, muswa uyu we a vha a tshi dzulela u tamba kha TS Galaxy , o tamba lwa u thoma mafheloni a vhege o fhiraho.

Mutambi wa minwaha ya 21 o thoma zwavhudi kha mutambo wawe wa u thoma, musi vha tshi kunda Kansas City nga 5-0.

Mvelelo yo isa thimu kha vhuimo ha vhuraru kha maimo a Eastern Conference.

Puso Dithejane o dzhena kha thimu khathihi na mutsireledzi wa kale wa Orlando pirates Mbekezeli Mbokazi.

Nahone naho ene mune a songo dzhia tshikoro, o ita mvelelo kha mutambo, zwa sia mugudisi a si na na maipfi.

Mugudisi wa Chicago Fire Vho-Gregg Berhalter vho vha vho ḓala thendo nga murahu ha mutambo.

Zwo vha zwi khagala uri vha kha di vha na zwinzhi zwine vha tea u zwi lavhelela kha mutambi wa academy ya Kaizer Chiefs.

“Ndo mu vhona zwavhuḓi vhukuma… Zwo vha zwi songo leluwa kha mutambo wawe wa u thoma, fhedzi o ri ṋea zwoṱhe zwe ra vha ro zwi lavhelela khae,” Berhalter o ralo.

“Nga murahu ha tshifhinga, o no tozwi dowela zwavhudi, u ḓo vha mutambi a re na khombo vhukuma kha ligi.”

• VHALANI HAFHU: Doctor Khumalo zwino ndi Dokotela wa vhukuma 

Hetshi ndi tshitatamennde tshihulwane. Nahone zwi sumbedza zwavhuḓi uri Puso Dithejane a nga vha ṋaledzi kha MLS.