Pirates ina tshikhala tsha khwine u fhira Downs kha ligi – De Sa

Mugudisi wa kale wa Orlando Pirates Vho-Roger De Sa vha kha di tenda uri tshigwada tshi na tshikhala tshavhudi tsha u wina tshiphuga tsha Betway Premiership.

Ngoho u vhona unga Pirates ina tshikhala tsha khwine vhukuma u fhira Mamelodi Sundowns.

Naho zwenezwino yo kundwa nga Sundowns nga 2-1, Orlando Pirates i kha ḓi vha nṱha ha ṱafula nga 38 points kha mitambo ya 18.

Sundowns yo dzula kha 35 points, i na mutambo murahu hayo.

MASIANDAITWA A CAF

De Sa uri tshutshedzo khulwane kha u tsireledza tshiphuga tsha Sundowns a si Pirates fhedzi.

U tenda uri mbekanyamushumo i konḓaho ya Caf Champions League na yone i ḓo vha na masiandoitwa.

U fhambana na Sundowns, Pirates a iho kha ligi kha ino khalanwaha.

Hezwi, u ya nga DeSa, zwi ita uri i kone u sedza fhedzi kha tshiphuga tsha hayani hu si na zwithithisi.

U amba uri nyimele i khou vhea mutsiko kha Sundowns – ine ya vhonala yo neta kale.

De Sa o sumbedza uri ino khalanwaha yo vha na mbambe yavhuḓi vhukuma ya u dzhia tshiphuga vhukati, zwa fhelisa miṅwaha ya vhuvhusi ha Sundowns hu si na muṱaṱisani a re khagala.

• VHALANI HAFHU : Lloyiso o ḓivhadza albamu yawe ‘Never Thought I Could Part 1’

Arali Orlando Pirates ya kona u shumisa u neta ha Sundowns na zwithithisi zwine ya do tangana nazwo kha dzhango, i nga wina tshiphuga tshayo tsha u thoma nga murahu ha minwaha i fhiraho fumi.