Nomsa Buthelezi o amba nga khaedu dze a sedzana nadzo sa lesbian

Nomsa Buthelezi o ṋea vhafuni vhawe mbonalo i si ya vhudi nga ha khaedu dze a sedzana nadzo sa lesbian a tshi khou lingedza u bvelela kha zwa vhuḓimvumvusi hapo.

Kha vidio ye ya ṱavhanya u phaḓalala, muhashi wa kale wa Our Perfect Wedding o humbula nga ha zwithu zwi konḓaho zwa nḓowetshumo ya TV ine, a ri, kanzhi yo vha i tshi mu khethulula nga ṅwambo wa zwine avha zwone nṱhani ha vhukoni hawe.

Buthelezi o dzumbulula uri zwine a vha zwone zwo ita uri a dzhule a milomoni ya  vhasasaladzi.

“Mbekenyamushumo yo gonya nga nomboro nga nṱhani ha 101% ye nda ḓisa. Fhedzi musi Afrika Tshipembe ḽi tshi thoma u nkhoḓa nga nṱhani ha vhukoni hanga, vho mbo ḓi sinyuwa vha dzhena murahu hanga vha zwifha nga ha nṋe,” o ralo.

O ṱalusa maitele a vivho na u fheṱwa, hune vhashumisani vha ḓiita khonani fhedzi u itela u tswa mihumbulo yawe nahone vha mu ṱutshela.

“Vhathu vha a nnyadza nga nthani ha vhu lesbian hanga. Zwi a konḓa vhukuma ngauri u xelelwa nga mishumo na dzi gig. Vho nṱutshela vha hangwa vhukoni na mutambi wa matambwa ane nda vha ene,” o engedza .

• VHALANI HAFHU: Vho Dr khumalo vha vhona vhudzulo ha Sipho Mbule kha Bafana

Naho ho vha na zwithithisi, Vho-Buthelezi vho dovha vha livhuwa vhatikedzi vhe vha ṱhogomela vhukoni havho na u tikedza lwendo lwavho.