Manaka Ranaka o amba nga ha ḓuvha le nwana wawe a lovha 

Ho no fhela nwaha na minwedzi ubva tshe Katlego Ranaka o lovha.

Fhedzi naho zwo ralo vhuṱungu vhu kha ḓi vha vhuswa kha vhafuniwa vhawe, zwihuluhulu mme awe Manaka Ranaka.

Katlego o lovha nga dzi 23 dza Phando 2025. Lufu lwa ṋaledzi ya mbekanyamushumo ya vhukuma na muimbi lwo vhaisa vhafuni vhe vha vha vho aluwa u mu funa u bva kha mbekanyamushumo  ya muṱa wawe, The Ranakas.

Swondaha ino yo fhiraho yo vha i duvha la vho mme, kha Manaka yo rwa nga ndila yo fhambanaho.

Duvha ndi tshihumbudzo tsha uri muthu we a thoma u muita mme ha tsha vha hone.

Hafhu Katlego o sia ṅwana wa mutukana, nahone zwi ṱungufhadzaho khae, a nga si kone u mu tamela mashudu a ḓuvha ḽa vhomme nga vhuḓalo.

Mutambi wa matambwa o winaho pfufho na muthu wa TV o ita na interview kha POWER FM nga Swondaha yo fhiraho nga ha duvha la vho mme.

Manaka o humbula nga ha nḓila ye u aluswa nga mme awe zwa vhumba ngayo mavhonele awe nga ha vhathu na u vha fulufhelana.

O amba uri u aluwa hayani hune ha ṱanganedza vhaṅwe zwo mu funza uri, naho hu khombo shangoni, hu kha ḓi vha na vhathu vhanzhi vhavhuḓi nnḓa ha henefho.

Manaka o dovha a kwama mafhungo a u lovhelwa nga ṅwananyana wawe. O kovha uri nga duvha la u fhira ha Katlego, o vha e kha set.

Musi vha sibadela vha tshi mu founela, o vha a sa koni u ya nga nṱhani ha mushumo.

• VHALANI HAFHU: Safa yo khwaṱhisedza masheleni o vhetshelwaho u shumisa VAR

Nṱhani hazwo Manaka o humbela mme awe uri vha ṱuwe vho mu imela. O mbo ḓi wana mafhungo a vhaisaho a uri Katlego o lovha nga luṱingo lu bvaho kha mme awe.