Kaizer Chiefs i fulufhedzisa u vhuya ha Phili

Vhatikedzi vha kaizer chiefs vho vha vho lindela u pfa mafhungo malugana na u huvhala  ha Langelihle phili.

Zwino mugudisi Fernando Da Cruz o vha fha fulufhelo nga u vhuya ha mutambi we a ṱavhanya a shanduka a vha mufunwa.

Mugudisi o amba nga ha tshiimo tsha muṱhaseli musi Chiefs i tshi khou ḓilugisela u ṱangana na Mamelodi Sundowns kha semi-final ya Carling Knockout Cup.

Phil wa minwaha ya 21 o thoma zwavhudi kha Chiefs nga murahu ha musi o dzhena a tshibva kha  Stellenbosch FC mathomoni a ino khalanwaha.

Naho zwo ralo, u huvhala zwo ita uri a ime musi a tshi kha ḓi tou bva u thoma u ḓiitela dzina ngei Naturena.

Mutambi uyu ha athu tamba ubva tshe a huvhala vhukuma kha khana musi a tshi khou gudiswa nga murahu ha musi vho tamba 1-1 na Sundowns nga dzi 18 August.

Nga ṅwambo wa zwenezwo, o xelelwa nga mitambo ya fumi-malo kha miṱaṱisano yoṱhe.

Fhedzi Vho-Da Cruz vho ṋea mafhungo avhuḓi nga ha tshiimo tshawe nga murahu ha musi Chiefs yo kunda Siwelele FC nga 2-1 ngei Polokwane nga Swondaha.

“Phil o vhuyelela kha u guda na thimu ino vhege nahone o vha a tshi khou shuma na vhaṅwe vhatambi vha re mudavhini.

“U tsini na u vhuyelela kha mitambo ya muṱaṱisano,” ho amba mugudisi.

“khaṅwe u ḓo vha o no lugela u tamba kha pre-final, fhedzi a ri athu zwi divha.

• VHALANI ZWINWE : Vhatikedzi vha Sundowns vha sumbedza u laṱa fhulufhelo kha Cardoso 

Vhatikedzi vha Chiefs vha do vha vho lavhelela u vhuya hawe, ngeno ene na Elias Mokwaba ane a kha di tou bva u saina vha tshi khou lavhelelwa u ita mvelelo khulwane musi vho no wana tshikhala tsha u tamba.