Black Leopards i khou ṱoḓa mugudisi are na tshenzhemo

Black Leopards yo thoma puḽane dza u vhuisa mugudisi a re na tshenzhemo uri a i thuse sa izwi zwithu zwi sa khou tshimbila zwavhuḓi kha mbambe ya Motsepe Foundation.

Brandon truter ane a divhiwa nga dzina la Brakkies hu khou pfala uri u kha nyambedzano dza u vhuyelela kha thimu ya black leopards.

Tshigwada tsha Limpopo tshi khou pfi tshi na dzangalelo kha mugudisi we a gudisa Moroka Swallows, Sekhukhune United AmaZulu FC na Richards Bay kha mitambo ya Betway Premiership.

NDI NGANI U VHUYA HAWE HU VHUVHUDI .

Truter na Black Leopards vha na ḓivhazwakale ya u thoma kha khalanwaha ya 2018/19. Hezwi ndi zwiṅwe zwiitisi zwine zwa nga ita uri u vhuya hawe hu vhe havhuḓi:

 Nga u gudisa kha tshigwada tsha nṱha lwa miṅwaha miṋa yo fhiraho, Truter u ḓo ḓisa vhutsila vhu ṱoḓeaho.

 Tshifhinga tsha kale tsha Truter ngei Thohoyandou tsho fhela nga u ṱavhanya, nahone kanzhi o vha a tshi amba zwavhuḓi nga ha vhatikedzi vha Venḓa.

• VHALANI HAFHU: DJ Sbu o hanedza mavharivhari a mutumanaho na vhuaḓa

Fhedzi, naa tshitaila tsha Truter tsha u maka na u ṱhasela nga u ṱavhanya tshi ḓo ṱanganedzea kha vhatikedzi vha Black Leopards vhe vha ḓowela u ṱhasela bola ya milenzhe?