Hugo broos o bvisela khagala  zwine zwa khou mu vhilaedzisa
Zwamitambo

Hugo Broos o siedza ṋaledzi ya Pirates kha thimu ya Bafana

Mugudisi wa Bafana Bafana Vho-Hugo Broos vho rumela mulaedza u pfalaho phanḓa ha tshiphuga tsha ḽifhasi: dzina ḽa mutambi a ḽi ambi tshithu.

Nga Ḽavhuṋa, Broos o bula tshigwada tsha vhatambi vha 23 u bva kha vhatambi vha 38 vha u thoma.

Tshigwada tshi do tamba mutambo wa u linga na Panama, nahone zwo sia vhanzhi vho tshuwa.

Zwine zwa khou ambiwa vhukuma ndi u sa vha hone  ha mulindavhuno wa Orlando Pirates Sipho Chaine.

Naho mulindavhuno o vha a tshi dzhiiwa sa tsheo ya vhuvhili nga murahu ha Ronwen Williams, o wela murahu.

Mutambi wa Sekhukhune United o dzhiiwa vhudzuloni hawe, ngeno Ricardo Goss na Williams vho sala.

Hugo Broos o zwi bvisela khagala uri vhatambi vhane a vha athu tamba  kha kilabu dzavho u bva tshe vha vhuya Afcon a vha nga khethiwi.

Sipho Mbule: Mutambi wa vhukati wa Pirates o vha a sa khou tamba nga nthani ha u huvhala.
Siyabonga Ngezana: Mutsireledzi na ene haho nga nthani ha uhuvhala.
Vho vhuyaho: Themba Zwane vho vhuya naho vho vunḓea mulenzhe kha Sundowns.
Jayden Adams, Bongokuhle Hlongwane na Thapelo Maseko na vhone vho vhuya sa izwi zwino vha tshi vho vha vhatambi vha tshifhinga tshoṱhe kha thimu dzavho.

Tshigwada tsho fhelelaho:

  • Vhalindavhuno: Ronwen Williams; Rikado Goss; Renaldo Leaner
  • Vhatsireledzi: Khuliso Mudau; Thabang Matuludi, Nkosinathi Sibisi, Aubrey Modiba, Khulumani Ndamane, Ime Okon, Samukele Kabini, Mbekezeli Mbokazi
  • Vhatambi vha vhukati: Teboho Mokoena, Jayden Adams, Thalente Mbatha, Sphephelo Sithole
  • Vhatamba phanḓa: Oswin Appollis, Tshepang Moremi, Evidance Makgopa, Lyle Foster, Bongokuhle Hlongwane, Relebohile Mofokeng, Themba Zwane, Thapelo Maseko