U Gudisa Vhana Vhuḓifhinduleli ha Tshelede: U Vhulunga Tshelede
U gudisa vhana nga ha nḓowelo ya vhuḓifhinduleli ha u shumisa tshelede u bva vhuṱukuni zwi nga vha thusa uri vha vhe na nḓowelo yavhuḓi ya u shumisa tshelede.
U pfesesa tshelede, zwi vha ṋea vhutsila vhune vha ḓo vhu shumisa vhutshiloni havho hoṱhe.
Musi vhana vha tshi funzwa nga ha tshelede, vha pfesesa ndeme ya u hola tshelede, u vhulunga tshelede na u shumisa tshelede nga vhuṱali.
Vha thoma u pfesesa uri tshelede i na mikano nahone vha fanela u i shumisa nga vhuṱali.
Sa tsumbo, u ṋea ṅwana tshelede ṱhukhu na u mu thusa u dzudzanya nḓila ine a ḓo i shumisa ngayo zwi mu gudisa u dzhia phetho na u vhea zwithu zwa ndeme u thoma.
U ita pulane ya zwa masheleni zwi dovha zwa vha gudisa u sa fhela mbilu na u ḓilaya.
Arali ṅwana a tshi ṱoḓa toy uri a i wane, a nga guda u vhulunga tshelede ine a i hola hayani u itela uri a kone u tshi wana nahone a si lavhelele u fushea nga u ṱavhanya musi a tshi thoma u wana tshelede.
Hezwi zwi ita uri a dzhiele nṱha u dzudzanya zwa masheleni, nahone u gudisa ṅwana ndeme ya tshelede a tshee muṱuku zwi nga thivhela thaidzo dza zwa masheleni tshifhingani tshi ḓaho.
Vhunzhi ha vhathu vhahulwane vho sedzana na zwikolodo zwihulwane nga ṅwambo wa u sa vha na nḓivho ya u shumisa tshelede.
Vhana vhane vha funzwa nga ha tshelede vha tshee vhaṱuku vha aluwa vha pfesesa ndeme ya u ita mugaganyagwama.
Nahone a vha ṱoḓi u shumisa tshelede nga nḓila yo kalulaho kana u wela kha zwikwekwe zwa tshelede.
Vhabebi na zwikolo vha tea u tamba mushumo muhulwane kha pfunzo ya zwa masheleni.
Zwiito zwo leluwaho zwi ngaho u ita mugaganyagwama kana u ita mutevhe wa zwithu zwine na ḓo zwi renga nga ngomu ha mugaganyagwama zwi nga vha ngudo dzi re na maanḓa.
- VHALANI HAFHU: Wormwood: Mushonga wa mukhuswane
U funza vhana nga ha tshelede vha tshee vhaṱuku ndi u vha vhetshela vhumatshelo ho tsireledzeaho ha zwa dzitshelede.
Traslated by Nthaduleni Rolivhuwa