Ngoma dza vhuria kha lushaka lwa vha Venḓa

Dzi Ngoma mbili dzo fhambanaho vhukuma dza u thoma dzo vha dzi hone Venda.

Thondo ndi yone khulwane kha ayo mavhili, ane mutukana munwe na munwe wa muvenda a tea u fhira khao uri a swike kha vhunna.

Maitele o ṱanḓavhuwaho o vha a tshi langa u thomiwa, u fhaṱiwa na u ṱhogomelwa ha ngoma nga fhasi ha ndaela dza dokotela wa sialala.

Ho vha hu tshikolo tsha tshiphirini tsha nṱhesa hune vhatukana vha gudiswa ndayo, u konḓelela, maitele na mvelele ya lushaka.

Vhatukana vha vhavenda vho vha vha tshi fumbiswa ngei ngomani ine ya vhidzwa upfi Murundu.

U fumbiswa ha murundu zwi dzhiiwa sa tshiimo tsha u lugisela vhatukana uri vha vhe vhanna nahone zwi dzhiiwa sa nḓila ya u thivhela malwadze a fhiriselwaho nga zwa vhudzekani.

Murundu u ṱanganedzwa nga tshifhinga tsha vhuria ḓakani kule na muḓi.

Milubi, (2000), u amba uri vhatukana vha murunduni vha funzwa zwiṅwe zwilavhelelwa zwa vhuḓifari zwine tshitshavha tsha ḓo vha nazwo khavho sa vhanna vhahulwane.

Hu ambiwa uri nga murahu ha musi vhatukana vho no fumbiswa, vhahulwane vha vha vhudza uri vho lola “pfumo” (pfumo ḽi amba tshiraḓo tsho fumbiswaho)

Nahone nga pfumo vho vha vha tshi ḓo kona u rwa “thulo”/musidzana.

Zwenezwi zwi amba uri mutukana o raloho u na thendelo ya u ita zwa vhudzekani.