Zwiṱori nga ha Nethathe.
Nethathe o vha e mufhodzi, muḓivhi wa zwa vhungome, muḓivhi wa zwimela na muḓivhi wa zwa vhungome.
Musanda wawe wo vha u Tshitangani (ine ya dovha ya ḓivhiwa sa Murulwani).
Hu ambiwa uri, nga mulandu wa vhungome hawe, o kona u ḓi shandukisa a vha ndau tshena.
O vha a tshi dovha a funa u vhea zwimela zwawe na zwithu zwawe zwa u ḓiṱama bakoni ḽine ḽa vha kha ḓaka ḽa Thathe.
Musi a sa athu lovha, Nethathe o vhudza vhathu vhawe uri masalela awe a fanela u vhewa bakoni he a vhulunga hone zwimela zwawe na zwithu zwawe zwa u ḓiṱama.
O dovha a laedza uri vhana vhothe na mirafho ine ya khou da ya Thathe, hu nga vha vhanna kana vhafumakadzi, vha fanela u vhulungwa Thathe rainforest, ngeno masalela a mahosi a tshi fanela u vhewa bakoni.
Hezwi zwo vha zwi tshi amba uri vhafumakadzi vhane vha vha uri vho mala vha nga si vhulungwe nga vhanna vhavho na vha mazwale wavho musi vha tshi lovha sa vhunga masalela avho a tshi ḓo tea u vhuiswa hayani a vhulungwa Thathe rainforest, sa zwe Nethathe a laedza zwone.
U swika na ṋamusi masalela a vhafumakadzi vho malaho vhane tshifani tshavho ndi Nethathe, Netshidzivhe kana Netshitangani a vhuiswa hayani uri a vhulungwe Thathe.
Vho-Nethathe vho tevhelwa nga Mushongamunwe. Mushongamunwe o tevhelwa nga Fhimani.
Vho-Fhimani vho pfulusa nndu ya vhuhosi Murulwani vha i isa muvhunduni wa Tshidzivhe.
A ḓi vhidza nga dzina ḽa muvhundu wa Tshidzivhe, a ḓi vhidza Netshidzivhe.
Ḓaka ḽa Thathe, hune ha vhewa hone vhathu vha Nethathe, Netshidzivhe na Netshitangani, ḽi dzhiiwa sa ḽikhethwa.
Huna lutendo lwa uri ḓaka ḽi lindwa nga muya wa Khosi Nethathe na uri u vhonala nga tshivhumbeo na tshivhumbeo tsha ndau tshena.
Vhalani hafhu: Zwine vha nga tama u zwi divha nga Soweto Towers
- Source: luonde.co.za
- Translator: Nthaduleni Rolivhuwa