Luvhengo: Ubva Phiphiḓi uya Mukumbani .

Mukhesi o tevhelwa nga ṅwana wawe, Luvhengo. we a pfulusa musanda ubva Phiphidi a ya Mukumbani.

Vharwa vha Luvhengo vho vha vhe Lihalima, Tshivhenga, Masiagwala, Petamadungo, Ravele, Ligegise na Makhavhu.

O vhea vharwa vhawe miḓini yo fhambanaho. Vho-Lihalima vho vha vho vhewa ngei Tshivhungululu.

Vho-Tshivhenga vho mbodi rumelwa Tshilapfene. Vho-Petamadungo vha dzula Duthuni.

 Makhavhu o mbo ḓi rumelwa Tshiheni a pandela Khosi Netshiheni uri a vhe Vhamusanda vha Tshiheni.

Masiagwala na Ravele vho dzhia Maungani na Mapate nga u tevhekana.

Vhana vhawe vho thoma u lwela vhuhosi musi khotsi avho vha tshi kha di tshila.

Tshivhenga, mutukana wa vhuvhili wa Luvhengo, hu pfi o vhulaha murathu wawe muhulwane, Lihalima, nga u mu ṋea chefu.

Zwenezwi zwo ita uri khotsi awe vha mu landule. Luvhengo a vhidza muṱangano wa muṱa a vhudza muṅwe na muṅwe we a vha e hone uri o landula Tshivhenga, na uri Ligegise, mutukana wawe muṱuku, u fanela u mu tevhela.

Vho-Tshivhenga vho pandelwa Tshilapfene.

Vho-Luvhengo vho vha vha tshi tshimbila zwavhudi na vha ha Ramabulana. O ita na u rumela mmbi yawe uri i vhe tshipiḓa tsha mmbi ya Vhavenda ye ya kunda Botlokwa.

 Fhedzi musi mmbi yawe i tshi khou kunda Botlokwa, Luvhengo a fa.

• Vhalani hafhu:Raluswielo: Ubva Dzata uya Dopeni.

Tshivhenga we a landulwa nga khotsi awe, a dzhia tshikhala tsha uri khosi pfareli i siho, a ḓi vhea khare ya Khosi ya Ha-Tshivhasa .