Raluswielo: Ubva Dzata uya Dopeni.
Vhuvhusi ha Singo kha ḽa Venda ho vha ho khwaṱha nga tshifhinga tsha vhuvhusi ha Khosi Thohoyandou.
Nga tshifhinga tsha vhuhosi hawe, Thohoyandou o rumela ṅwana wawe Munzhedzi Mpofu, ngei Songozwi, na murathu wawe Raluswielo (Tshivhasa Midi ya Vhathu) ngei Dopeni.
Mvelele ya vha Singo i amba uri khosi Thohoyandou vho mbo ḓi ngalangala vha si tsha vha na tshithu nga ṅwaha wa 1770.
Ho vha hu tshi tendiwa uri vho ya Vhukalanga (Zimbabwe), shango ḽa vho makhulukuku wavho.
Tshisevhe, murathu wa Thohoyandou, o vhewa sa khosi pfareli.
Ho vha hu tshi tendiwa uri Thohoyandou u do vhuya.
Nga murahu zwo bvelela uri Thohoyandou o lovha.
Fhedzi Vho-Tshisevhe vha hana u bva sa khosi pfareli, hezwi zwa ita uri hu vhe na khuḓano vhukati havho na ṅwana wa Thohoyandou, Vho-Munzhedzi Mpofu.
Tshisevhe o kundwa kha nndwa ya vhuhosi a vhulawa nga Vho-Munzhedzi Mpofu.
Muṱhannga wa Tshisevhe, Ravhura, o shavhela Makonde nga murahu ha musi khotsi awe vho vhulahwa kha nndwa ya u ṱoḓa vhuhosi.
Vho-Munzhedzi Mpofu vha vha vhone khosi ntswa ya Venda. Fhedzi Vho-Raluswielo (Tshivhase), vhe vha vha vhe Dopeni, vho vha vha tshi funa vhuhosi.
O lingedza u vhuyelela Dzata u itela u dzhia vhuhosi. Vho-Raluswielo u tou fana na Vho-Tshisevhe vho kundwa nga Vho-Munzhedzi Mpofu.
Vho-Munzhedzi Mpofu nga murahu vho pfulutshela Dzata vha ya Songozwi.
Hezwi zwo vha zwi tshi khou itiswa ngauri Songozwi yo vha yo vhewa fhethu hune ha vha uri ho linganela, sa vhunga muthu a tshi kona u vhona muvhuso wothe u tshi khou bva kha summit.
Vho-Tshivhase vho dovha vha kuvhanganya mmbi vha dzhena kha Vho-Munzhedzi Mpofu ngei Songozwi.
Nndwa yo lwiwa tsini na mulambo we wa vha wo tswuka nga malofha. Nga mulandu wa zwenezwo wo vha u tshi ḓivhiwa sa Khwivhila, zwine zwa amba mutswuku.
Vho Tshivhase vho kundwa nndwani. Sa vhunga vho no kundwa luvhili, u thoma ngei Dzata vha kona u kundwa ngei Khwivhila,Vho-Tshivhase vha mbo ḓi shavha.
- vhalani hafhu: Zwitori zwa Dzata II
Vho-Munzhedzi Mpofu vha sala vhe khosi ya Vhavenda.