Vha singo: Ubva Vhukalanga uya Venda

Musi vha Singo vho hangwa uri vha khou tea u pfulutshela devhula vha dzula lwa tshoṱhe Vhukalanga.

 Vha ita na u malana na Vhakalanga na Vhanyai.

Hezwi zwo sinyusa Mwali nahone a ṱarafa vha Singo nga u rumela dzindau uri dzi vhulaye vhathu vhanzhi, ho katelwa na vhakololo na vhakololo vha vhuhosi.

 Khosi Vho-Tshilume vha ya thavhani ya Mubvumela vha tshi khou ya u ita mishumo ya vhurereli vha tshi khou itela u fhumudza Mwali, fhedzi a vho ngo dovha vha vhuya.

Nga murahu ha maṅwe maḓuvha hu ambiwa uri Mwali o vhidza vhotshifhe (vhotshifhe vhahulwane) Thavhani ya Mubvumela.

 Henefho o vha vhudza uri Tshilume a nga si vhuye sa vhunga vhathu vho vha vha songo thetshelesa ndaela dza Mwali nga u ṱangana na Vhanyai na Vhakalanga vha dzula vhukati havho lwa tshoṱhe.

O vhudza vhotshifhe uri mutukana wa Tshilume muthihi fhedzi o salaho u fanela u vha khosi ntswa ya Singo.

 O ṋewa dzina ḽa Tshikalange u bva tshe a vhewa sa khosi ya Vhasingo shangoni ḽa Vhakalanga.

Vha Singo vho mbo ḓi ṱuwa vha ya devhula vha swika kha maḓanzhe a mulambo wa Vhembe (mulambo wa Limpopo).

 Vho mbo ḓi dzula govhani ḽa Vhembe vho lindela dziṅwe ndaela dzi bvaho kha Mwali.

Mashudu mavhi khosi Tshikalange vha lovha nga malaria vha sa athu pfukela kha linwe sia .

Vhalani hafhu:Lwendo lwa vhasingo lwa uya venda

• Source: luonde.co.za

• Translator: Nthaduleni Rolivhuwa