Vhutsila ha lushaka lwa vhavenda
zwidudu zwa vumba zwo vhumbiwaho nga nḓila yavhuḓi, zwifanyiso zwo vhaḓiwaho zwa thanda zwi mangadzaho.
Vhutsila ha Venda ho pfuma nahone vhu na mivhalavhala u fana na shango na mvelele zwine zwa vhu ṱuṱuwedza.
U tshimbila nga kha tshipiḓa tsha devhula ha Limpopo zwo fhambana na u tshimbila huṅwe na huṅwe kha ḽa Afrika Tshipembe.
A si zwimela fhedzi zwo fhambaho zwine zwa fhambanya Venda, ndi mvelele na mvelele dzo khetheaho dza vhupo honoho,
dzine dza wana ṱhalutshedzo yo lugelaho kha vhutsila ha Venda.
Vhutsila ha Venda vhu katela tshaka dzo fhambanaho na nyanḓadzamafhungo,
hune vhatsila vha bveledza zwifanyiso, u ṱomola, u vhaḓa, u vhaḓa thanda, u ita vhulungu, u vhumba na zwiambaro.
Vhunzhi ha vhutsila kha heḽi vundu vhu bva kha mvelele ya vhathu vha Venḓa.
Mvelele iyi yo ḓala nga zwiṱori, u tshina na mikhuvha zwine zwa dzulela u sumbedza vhutshilo kha mvelele dza kale.
Zwihulwane ndi uri dzenedzi mvelele a dzi sokou vha dza kale; dzi dovha dza amba na zwa musalauno.
Vhatsila vha Venda vha na mushumo wa ndeme kha u sedzulusa vhukwamani na khonadzeo dza vhusiki dza mvelele ya Venda kha nyimele ya Afrika Tshipembe ḽa musalauno.
Iṅwe ya nḓila ya khwiṋe ya u guda nga ha vhutsila ha Venḓa ndi u dalela vhupo honoho na u ṱangana na vhaṅwe vha vhatsila.
vhalani hafhu: vhutsila ha lushaka lwa maZulu ha u ita vhulungu
- Source: southafrica.net
- Translator: Nthaduleni Rolivhuwa