vhutsila ha lushaka lwa maZulu ha u ita vhulungu

Vhafumakadzi vha ḓivhazwakale vha Zulu vho vha vha tshi ita vhutsila vhunzhi na vhone.

 Zwine zwa  ḓivhea vhukuma ndi u luka zwithu zwa vhulungu, u vhumba, na u luka zwirundu.

Zwiambaro zwo khavhiswaho nga vhulungu—mivhala na zwifanyiso zwo shumiswaho zwo vha zwi tshi shumbedza vhuimo, haya, na miṅwaha ya muthu ane a zwi ambara.

 Vha Zulu vho vha vha tshi ḓivhelwa nga maanḓa u ita vhulungu havhuḓi.

 Kale, dzinwe tshaka dza vhulungu dzo vha dzi tshi nga vhetshelwa miṱa ya vhuhosi na khothe dzavho.

 fhedzi musi u rengisa na vha nnḓa zwi tshi khou aluwa, u fhambana ha vhulungu na dzi patheni zwo vha zwi tshi khou aluwa na zwone.

Nga nnḓa ha u shumiswa hazwo kha zwiambaro na kha zwithu zwa u ḓiṱana, vhulungu ho vha vhu tshi dovha ha vha tshipiḓa tsha ndeme tsha u funana na mbingano.

 Vhasidzana vhaṱuku vho vha vha tshi ṅwala “maṅwalo a lufuno” kha vhane vha vha ṱoḓa;

mivhala na zwifanyiso zwo shumiswaho zwi nga ṱuṱuwedza kana u sa tutuwedza khonadzeo ya lufuno.

Zwenezwo, musi ho no dzhiiwa phetho ya mbingano, vhulungu ho vha vhu tshi dovha ha katelwa sa tshipiḓa tsha mutengo wa muselwa.

U fana na u vhaḓa thanda, u ita vhulungu zwo no vha zwiṱuku kha zwitshavha zwinzhi fhedzi hu si kha zwitshavha zwoṱhe zwa ma Zulu.

Kha maṅwe mashango zwihuluhulu a mahayani, vhafumakadzi vha kha ḓi khavhisa zwiambaro zwavho nga vhulungu nahone vha sika “maṅwalo a lufuno” a vhafarisi vhavho .

vhalani hafhu: mutshino wa vhatsonga wa tshibelane

• Source: southafrica.co.za

• Translator: Nthaduleni Rolivhuwa